कर्नाटक । कर्नाटकमा भारतीय जनता पार्टी (भाजपा) का एक नेताको घरमा अबैध रूपमा लुकाइराखिएको करोडौं रुपैया फेला परेको छ । सो घटनालाई लिएर कर्नाटकमा काग्रेस आइका कार्यकर्ताले चर्को प्रदर्शन गरेका छन ।
भारतीय सञ्चार माध्यमका अनुसार कर्नाटकका भाजपाका विधायक मदाल विरुपकक्षप्पाको घरवाट हालसम्म ९ करोड भारु भन्दा बढी रकम फेला परे पछि कांग्रेस आइका कार्यकर्ताले उनलाई कारबाहीको माग गर्दै प्रदर्शन गरेका हुन ।
सो रकम फेला परे पछि विधायक विरुपाक्षप्पाले सो क्षेत्रका प्रख्यात साबुन बनाउने सरकारी कम्पनी कर्नाटक सोप्स एण्ड डिटर्जेन्ट लिमिटेडको अध्यक्ष पदबाट राजीनामा दिएका छन् भने उनको खिलापमा कारबाही अगाडी बढाइएको छ ।
विरुपकक्षप्पाको कार्यालय र घरमा बिहीबार देखी सुरु भएको छापा शुक्रवार अबेरसम्म चलेको थियो । कर्नाटक विधानसभा चुनावको दुई महिना अघि भ्रष्टाचारको मुद्दामा उनको घरमा छापा मारिए पछि भाजपालाई भने अब भने अप्ठयारो पर्ने देखिएको छ ।
लोकायुक्त प्रहरी एक अधिकारले भने, ‘अध्यक्ष र उनका छोरा प्रशान्तको घरबाट ६ करोड १० लाख भारु बरामद भएको छ भने प्रशान्तको निजी कार्यालयबाट मात्रै १ करोड ६२ लाख रुपैयाँ प्राप्त भएको छ, अझै रकम रहेको आशंकामा हामीले खोजबिन गरिरहेका छौं । सो घटनामा प्रशान्त, उनका लेखापाल र अन्य तीन जनासहित पाँच जनालाई पक्राउ गरिएको छ ।
लोकायुक्त प्रहरीलाई गोप्य सूचना र औपचारिक उजुरी समेत दर्ता भएपछि यो छापा मारिएको हो । छोरा प्रशान्तले ४० लाख भारु घुस लिएको उजुरी परे पछि भन्दै छापा मार्दा ९ करोड बराबर नगद फेला परेको प्रहरीको भनाई छ।
प्रशान्त आफै सरकारी जागिर गर्छन् । उनी बैंगलोर पानी आपूर्ति र ढल निकास बोर्डमा मुख्य लेखापाल हुन्। यसअघि उनी भ्रष्टाचार विरोधी ब्यूरोमा आर्थिक सल्लाहकार थिए । यो ब्यूरो गत वर्ष विघटन गरी लोकायुक्त बनेको थियो ।
बिद्यायक विरुपाक्षप्पाले आफनो पदवाट राजिनामा दिनु पर्ने तथा उनलाई पक्राउ गरी कारबाही गर्नुपर्ने भन्दै कांग्रेस आईका कार्यकर्ताले प्रदर्शन गरेका हुन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच