कैलाली । धनगढीको मोहनापुल-अत्तरिया ६ लेन सडकमा एमाले निकट विद्यार्थी संगठन अनेरास्ववियूले जेब्रा क्रसिङ बनाउन सुरु गरेको छ । धनगढी उपमहानगरपालिकाले निर्माण गरेको पैदल मार्गमा अनेरास्ववियूले जेब्रा क्रसिङ बनाउन थालेको हो ।
सोमवार देखि ६ लेन सडक खण्डमा राखिएका पैदल मार्गमा अनेरास्ववियू कैलाली र धनगढी नगर कमिटिले जेब्रा क्रसिङ बनाउन थालेको हो । ट्राफिक प्रहरीसँगको समन्वयमा सोमवार धनगढीको नेपाल पुलिस स्कुल अगाडि जेब्रा क्रसिङ बनाइएको छ ।
अनेरास्ववियुका नगर अध्यक्ष नितिश जोशीकाअनुसार ६ लेन सडक खण्डमा पैदल यात्रीहरुले जथाभावी बाटो काट्दा दुर्घटनाको जोखिम रहेकाले जेब्रा क्रसिङ बनाउन थालिएको हो ।
विद्यार्थी संगठनले ढुंगामुढा वा आन्दोलनका कार्यक्रम मात्र नभएर रचनात्मक काम समेत गर्छन् भन्ने सन्देश दिन पनि क्रसिङ बनाइरहेको उहाँले बताउनु भयो । अनेरास्ववियू कैलालीका अध्यक्ष किशोर शाहले जेब्रा क्रसिङले ६ लेन सडकखण्डमा दुर्घटना न्यूनीकरणमा मद्दत गर्ने विश्वास व्यक्त गर्नु भयो ।
उहाँले जेब्रा क्रसिङ र स्पष्ट संकेत नहुँदा जथाभावी सडक पार गर्दा भइरहेका दुर्घटनामा न्यूनीकरण गर्नका साथै यात्रुहरुमा सचेतना समेत अभिबृद्धि गर्ने बताउनु भयो ।
जिल्ला ट्राफिक प्रहरी कार्यालयका प्रमुख प्रहरी निरीक्षक वीरेन्द्र जोहारीले पर्याप्त स्रोत, साधनको अभावले जेब्रा क्रसिङ बनाउन नसकिएका बेला युवा र विद्यार्थीले सकारात्मक कामको थालनी गरेको बताउनु भयो । उहाँले उक्त अभियानमा सबै पक्षबाट सहयोग पाउनेमा आशावादी रहेको बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच