झापा । झापाको बिर्तामोडमा सञ्चालन भएको चौथो कोशी प्रदेशस्तरीय खुला ब्याडमिन्टन प्रतियोगिताको खुलातर्पmको उपाधि संखुवासभाका पविन लिङखेप र सृजल पोख्रेलको जोडीले जितेको छ ।
लिङखेप र पोख्रेलको जोडीले भोजपुरका विशाल तामाङ र निश्चल खत्रीको जोडीलाई २५-२३ र २६-२४ को सोझो सेटमा हराएको हो । जितसँगै लिङखेप र पोख्रेलको जोडीले ५० हजारसहित शिल्ड र प्रमाणपत्र प्राप्त गरेको छ । तामाङ र खत्रीको जोडीले ३० हजार शिल्ड र प्रमाणपत्र प्राप्त गर्यो ।
यस्तै, झापाको बिर्तामोडका नविल सिलवाल र विवेक कन्दङ्वाको जोडी तथा मेची ब्याडमिन्टन क्लब काँकरभित्ताका प्रनिशसिंह ठकुरी र गौरव दाहालको जोडी तेस्रो भयो । दुवै समूहले सात हजार पाँच सय नगदसहित मेडल र प्रमाणपत्र प्राप्त गरेका छन् ।
यसैगरी ४५ वर्षमाथिको भेट्रान्सतर्फ ताप्लेजुङका मदन लिम्बू र घनेन्द्र लिम्बूको जोडीले बिर्तामोडका सञ्जय भक्तराज र रमेश प्रसार्इंको जोडीलाई २१-१४ र २१-१० को सोझो सेटमा हराउँदै उपाधि जित्नुभयो । जितसँगै उहाँहरूले ३० हजारसहित मेडल र प्रमाणपत्र प्राप्त गर्नुभयोे । भक्तराज र प्रसाईंको जोडीले १५ हजारसहित मेडल र प्रमाणपत्र प्राप्त गर्नुभयो ।
बिर्तामोडका श्रीकृष्ण खड्का र राम अवतार घिमिरेको जोडी तथा सुनसरीका श्याम लामा र भजनलाल चौधरीको जोडी सो स्पर्धामा तेस्रो भयो । उहाँहरूले सात हजार पाँच सय प्राप्त गर्नुभयो । लायन्स क्लब अफ अनारमनि र लायन्स क्लब अफ बिर्तामोडको संयुक्त आयोजनामा सञ्चालित प्रतियोगितामा कोशी प्रदेशका ८६ खेलाडी सहभागी थिए ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच