कपिलवस्तु । मुलुकको दोस्रो पंक्षी आरक्ष जगदीशपुर ताल पाहुना चराको चहलपहलले मनमोहक देखिएकोछ । तालमा चराका चिरविराहट, बात्सल्य प्रेम, जलक्रिया र आहारविहारले तालमा आउने स्वदेशी विदेशी पर्यटक आल्हादित बन्ने गरेका छन् ।
मुलुकमै सबैभन्दा धेरै पानी चरालाई आश्रय प्रदान गर्दै आएको जगदीशपुर तालमा पानी चरा भने घट्दै गएका छन् । यहा तीन वर्षदेखि निरन्तर घट्दै गएकोछ ।
सन् २०२२ को तुलनामा २०२३ मा ४ प्रतिशत चरा घटेका छन् । २०२१ को तुलनामा २०२२ मा २३ प्रतिशत चरा घटेका थिए । २०२३ मा ९ हजार ४८७ चरा गणना गरिएकोछ । २०२२ मा ९ हजार ८ सय ३७ चरा गणना गरिएको थियो । २०२१ मा यहा १२ हजार ६३ चरा गणना गरिएको थियो । २०२० मा यहाँ २० हजार ८ सय ७ चरा गणना गरियो । २०१९ मा १४ हजार ९ सय ८० गणना गरिएको थियो । वेटल्याण्ड ईन्टरनेशनलको संयोजनमा नेपालमा संपन्न पानी चरा गणना राष्ट्रिय संयोजक वरिष्ठ चराविद् डा. हेमसागर बराल नेतृत्वमा रहेको चराविद्हरु टिका गिरी, डिबी चौधरी र धीरज चौधरीले चरा गणना गरेका थिए । १ सय ५७ हेक्टरको तालमा यस वर्ष ४४ प्रजातिको चरा गणना गरियो ।
तालमा सबैभन्दा धेरै ४ हजार बढी मरुल छन् । त्यसपछि सुनजुरे हास एक हजार ९३० र विजुलागैरी ९ सय ३० वटा छन् । सिलसिले, सानो जलेवा र ठूलो जलेवा पनि छन् । श्वेताँखीभौं, नादुन र कैलो टाउके हाँस पनि छन् । त्यस्तै सुईरोपुछ्रे, चखेवाचखेवी, बेल्चा ठुँडे, हरिहाँस, बगाले सिमकुखुरा, सुईरोठूडे, मालक र हरियो टाउकेहाँसलगायत पनि गणना गरिएको थियो ।
कपिलवस्तु नगरपालिका ९ र १० मा पर्ने १ सय ५७ हेक्टरको ताल सन् २००३ मा विश्व सीमसार क्षेत्रमा सूचीकृत भएको थियो । जैविक विविधता, सीमसार र चराकाकारण महत्वपूर्ण हुँदा स्विट्जरल्यान्ड स्थित रामसार सचिवालयले सूचीकृत गरेको थियो । याे कृत्रिम रुपमा बनेको मुलुकको सबैभन्दा ठूलो ताल हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच