काठमाडौं । अख्तियार दुरुपयोग अनुसन्धान आयोग त्रिभुवन विश्वविद्यालयका परीक्षार्थीको उत्तरपुस्तिका फेरबदल गरेको आरोप लागेकालाई विशेष अदालतले सफाइ दिएपछि सर्वोच्च अदालत पुगेको छ । अख्तियारले बिहीबार सर्वोच्च अदालतमा पुनरावेदन दर्ता गरेको छ ।
प्रतिवादी कमलप्रसाद दाहाल, तेज नारायण चौधरी, हिरा कटुवाल र जानका आले मगरको मुद्दामा विशेष अदालतले गत कात्तिक २२ गते सफाइ दिएको थियो । विशेष अदालतले प्रतिवादीहरूलाई प्रमाणबाट आरोपित पुष्टि गर्ने आधार नभएकाले कसुरदार ठहर गरी सजाइ गर्न नमिल्ने भन्दै सफाइ दिएको थियो । विशेषले फैसला गरेको पाँच महिनापछि अख्तियारले पुनरावेदन गरेको हो ।
आरोपितलाई इन्कारी बयानकै आधारमा सफाइ दिएको, उत्तरपुस्तिका एउटै व्यक्तिले लेखेको विशेषज्ञले राय दिए पनि कसले लेखेको भनेर भन्न नसकेको लगायतलाई आधार मानेर आरोपितलाई मागदाबी अनुसारको सजाय हुनुपर्ने पुनरावेदनमा उल्लेख छ ।
आरोपित प्रतिवादीहरू सबैले विशेष अदालतमा आई कसुरमा इन्कार रही बयान गरेको र मौकामा बयान गर्ने प्रतिवादीहरू दाहाल र चौधरी पनि कसुरमा इन्कार गरेका थिए । तर, आयोगले उनीहरूले बयान दिँदैमा निर्दोष रहेको भनी मान्न मिल्ने अवस्था नरहनेलगायत आधार मानेर सर्वोच्चमा पुनरावेदन गरेको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच