गुल्मी । गुल्मीको रेसुङ्गा नगरपालिकाले क्रिकेटर अर्जुन कुमाललाई सम्मान गरेको छ । बिहीबार नगरपालिकाको कार्यालयमा नगरप्रमुख खिलध्वज पन्थीले क्रिकेटर कुमाललाई सम्मान पत्र, दोसल्ला र नगद तीस हजार रुपियाँसहित सम्मान गर्नुभएको हो ।
छत्रकोट गाउँपालिका वडा नम्बर-५, मानकोटमा जन्मिनुभएका उहाँलाई केहिदिन पहिले उहाँको गृह पालिका, गुल्मी उद्योग वाणिज्य संघ, जिल्ला खेलकुद विकास समितिलगायतका विभिन्न संस्थाले सम्मान गरिसकेका छन् । क्रिकेटर अर्जुनले कुबेतबिरुद्ध शतक रन बनाउनुभएको थियो ।
सम्मान गर्नुहुँदै नगरप्रमुख पन्थीले गुल्मीमा जन्मेर खेल क्षेत्रबाट जिल्लाको शिर उच्च बनाउन सफल भएकोमा अर्जुनलाई बधाईसहित धन्यवाद दिनुभयो । खेल र खेलाडीलाई सम्मान गर्न नगरपालिका सधै प्रतिबद्ध रहेको उहाँले बताउनुभयो । खेल क्षेत्रमा आगामी दिनमा थप हौसला बढोस् भनेर सम्मान गरिएको उहाँकाे भनाइ थियाे ।
केहीदिन अघि कार्यपालिकाको बैठकले नेपाली राष्ट्रिय क्रिकेट टोलीका खेलाडी सोमपाल कामी र अर्जुन कुमाललाई सम्मान गर्ने निर्णय गरेको थियो । सोही निर्णय अनुसार अर्जुनलाई सम्मान गरिएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच