बुद्धको ७२ सिटे जहाजबाट तुम्लिङटार उडान

३ जेठ २०८०, बुधबार ०५:३४

Read Time = 1 min

प्रिन्ट संस्करण

अर्थ ताजा समाचार

अर्थ/कर्पोरेट

A A- A+

भोजपुर । बुद्ध एयरको ७२ सिटे जहाजले उडान सुरु गरेसँगै संखुवासभा र भोजपुरका नागरिकलाई हवाई उडानमा सहजता थपिएको छ । संखुवासभाको तुम्लिङटार विमानस्थलमा बुद्ध एयरको एटिआर-७२ जहाजबाट नियमित उडान सुरु भएको छ । बुद्धले मंगलबारदेखि एटिआर–७२ जहाजबाट तुम्लिङटारका लागि उडान सुरु गरेको हो ।

यो विमानस्थलमा संखुवासभाका मात्र नभएर छिमेकी भोजपुर जिल्लाको उत्तरी क्षेत्रका नागरिकले पनि यात्रा गर्ने गरेका छन् । बुद्धले आगामी दिनको तालिकाअनुसार उडान सञ्चालन गरिने जनाएको छ । पहिलो चरणमा हप्ताको पाँच दिन एटिआर-७२ सिटे र सोमबार र शुक्रबार भने एटिआर-४२ जहाजबाट उडान हुने कार्यतालिका रहेको छ ।

केही अन्य एयरलाइन्स र नेपाल वायु सेवा निगमको जहाजले तुम्लिङटार गर्दै आएको भए पनि लामो समयदेखि ती उडानसमेत बन्द रहेको तुम्लिङटार विमानस्थलले जनाएको छ ।

बुद्ध एयर

एयरलाइन्स

विमानस्थल

जहाज

यो खबर पढेर तपाईलाई कस्तो महसुस भयो ?