काठमाडौं । नेपाल दक्षिण एसियाली फुटबल(साफ) च्याम्पियनसिपको कठिन समूहमा परेको छ । भारतको नयाँदिल्लीमा बुधबार भएको समूह विभाजनमा नेपाल आयोजक तथा साबिकको विजेता भारतसँगै समूह ‘ए’ मा परेको हो ।
समूह ‘ए’मै अर्को दाबेदार टोली पाकिस्तान तथा पहिलोपटक सहभागी हुन लागेको कुवेत पनि परेको छ । समूह ‘बी’मा अर्को नयाँ टोली लेबनान, माल्दिभ्स, भुटान र बंगलादेश रहेका छन् । साफ च्याम्पियनसिप भारतको बेंग्लोरमा असार ६ देखि १९ गतेसम्म आयोजना हुँदैछ ।
यसपल्ट दक्षिण एसियाली क्षेत्रबाहिरका कुवेत र लेबनानलाई पहिलोपल्ट समेटेर साफ च्याम्पियनसिप हुँदैछ । दुई साताअघि बसेको साफको बैठकले ती देशहरूलाई थप्ने निर्णय गरेको थियो । दक्षिण एसियाका सातमध्ये ६ राष्ट्रको सहभागिता साफ च्याम्पियनसिपमा रहनेछ । श्रीलंकाले भने फिफाबाट प्रतिबन्धका कारण सहभागिता जनाउने छैन ।
नेपाल अघिल्लो संस्करणको साफ च्याम्पियनसिपको फाइनलमा पुगेको टोली हो । माल्दिभ्समा भएको अन्तिम संस्करणको फाइनलमा नेपाल भारतसँग पराजित हुँदै उपाधिबाट चुकेको थियो । त्यसअघि भने नेपाल सधैँ सेमिफाइनलमा रोकिँदै आएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच