काठमाडौं । रोयल च्यालेन्जर्स बेंगलोरले इन्डियन प्रिमियर लिग (आइपिएल)मा सनराइजर्स हैदराबादलाई हराएको छ ।
उक्त खेलमा शुरुवातमा मैदान उत्रिएका विराट कोहलीले शतक प्रहार गरेका थिए ।
हैदराबादको घरेलु मैदान राजिब गान्धी क्रिकेट स्टेडियममा ८ विकेटको जितसँगै बेंगलोरले प्लेअफ खेल्ने सम्भावना उच्च बनाएको छ ।
हैदराबादले दिएको १ सय ८७ रनको लक्ष्य बेंगलोरले १९ दशमलब २ ओभरमा २ विकेट गुमाउँदै पूरा गर्यो ।
बेंगलोरका लागि ओपनर विराट कोहलीले ६३ बलमा १२ चौका र ४ छक्कासहित १ सय रनको शतकीय इनिङ खेले । कोहलीको यो आइपीएल करिअरको छैटौं शतक हो ।
पहिलो विकेटका लागि कोहली र कप्तान फाफ डु प्लेसिसले १ सय ७ बलमा १ सय ७२ रनको साझेदारी गर्दै जितको आधार तय गरेका थिए ।
कप्तान डु प्लेसिस ४७ बलमा ७ चौका र २ छक्कासहित ७१ रनको अर्धशतकीय ईनिङ खेले ।
त्यसअघि टस हारेर पहिला ब्याटिङको गरेको हैदराबादले निर्धारित २० ओभरमा ५ विकेट गुमाउँदै १ सय ८६ रन बनाएको थियो ।
हैदराबादका लागि विकेटकिपर हेनरिच क्लासेनले ५१ बलमा ८ चौका र ६ छक्कासहित १ सय ४ रनको उत्कृष्ट शतकीय इनिङ खेलेपनि टोलीलाई जिताउन सकेनन् ।
आइपिएल करिअरको पहिलो शतक क्लासेनले ४९ बलमा पूरा गरेका थिए ।
जितसँगै बेंगलोर १३ खेलमा ७ मा जित र ६ मा हारसहित १४ अंकका साथ चौथो स्थानमा छ । बेंगलोरले आइतबार गुजरातसँग खेल्नेछ ।
प्लेअफको दौडबाट बाहिरिसकेको हैदराबाद १३ खेलमा ४ जित र ७ हारका साथ पुछारमा छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच