मुम्बई । बलिउड अभिनेत्री करिश्मा कपुरले कम उमेरमा अभिनयमा पाइला चालिन् । उनले सन् १९९१ मा रिलिज फिल्म ‘प्रेम कैदी’बाट बलिउडमा डेब्यू गरेकी थिइन् । यसपछि उनले ‘जिगर’, ‘अनाडी’, ‘राजा बाबु’ र ‘जीत’ जस्ता सुपरहिट फिल्ममा अभिनय गरिन् ।
उनले सन् १९९६ मा फिल्म ‘राजा हिन्दुस्तानी’मा अभिनय गरिन् । उनको अपोजिटमा आमिर खान थिए । यो फिल्ममा उनीहरुको जोडीलाई दर्शकले निकै मनपराए । तर फिल्ममा दुवैको एक चुम्बन दृश्यले बढी चर्चा पायो । उनीहरुले वर्षातको समयमा त्यो चुम्बन दृश्य दिएका थिए ।
यो दृश्य खिच्न तीन दिन समय लागेको थियो । करिश्माले राजीव मसन्तको शोमा उक्त दृश्यको बारेमा खुलासा गरेकी थिइन् । ‘मानिसहरु त्यो चुम्बन दृश्यलाई आज पनि ‘ओहो त्यो चुम्बन दृश्य’ भनेर कुराकानी गर्छन् । तर ३ दिनसम्म चलेको उक्त दृश्यको सुटिङका बेला म निकै थकित भएकी थिएँ । हामीले फेब्रुअरीमा ऊटीमा उक्त दृश्यको सुटिङ गरिरहेका थियौं । त्यो सुटिङ कहिले सकिएला भनेर आमिर र म चिन्तित थियौं’, उनले भनेकी छन् ।
करिश्माका अनुसार अत्यन्तै चिसो मौसममा उक्त दृश्य खिचिएको थियो । ‘हड्डी नै कमाउने चिसो थियो । पानी पनि एकदमै चिसो । हामी बिहान ७ बजेदेखि बेलुका ६ बजेसम्म सुटिङ गथ्र्यौ । सुटिङ भइरहँदा हामी कामिरहन्थ्यौं’, करिश्माले खुलाएकी छन् ।
फिल्म ‘राजा हिन्दुस्तानी’ सन् १९९६ नोभेम्बर १५ मा रिलिज भएको थियो । धर्मेश दर्शनको निर्देशनमा बनेको यो फिल्ममा एक ट्याक्सी ड्राइभर र एक धनी परिवारकी युवतीबीचको प्रेमकथा देखाइएको थियो । फिल्ममा करिश्मा र आमिरका अलावा अभिनेता कुणाल खेमू, जोनी लिवर र अर्चना पुरना सिंहको अभिनय थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच