गुल्मी । गुल्मीको ऐतिहासिक, धार्मिक तथा पर्यटकीय क्षेत्र रेसुंगामा जिपलाइन निर्माण गरिने भएको छ । साहसिक पर्यटनको सम्भाव्यता खोज्नेक्रममा यस क्षेत्रमा जिपलाइन निर्माण गर्न लागिएको हो ।
आन्तरिक तथा बाह्य पर्यटनको अत्यधिक सम्भावना भएको रेसुंगा क्षेत्रमा जिपलाइनलगायतका साहसिक पर्यटकीय पूर्वाधारले पर्यटक आगमनमा थप आशा जगाउने विश्वास लिएको रेसुंगा नगरपालिकाले जनाएको छ ।
गुल्मीलगायत आसपासका क्षेत्रमा पर्यटन पूर्वाधारका कामहरू अगाडि बढेको तर साहसिक पर्यटनको क्षेत्रमा जिपलाइन लगायतका मनोरञ्जनका पूर्वाधार निर्माणले यस क्षेत्रको पर्यटनलाई बढवा दिनमा ठुलो मद्दत पुग्न नगरप्रमुख खिलध्वज पन्थीले बताउनुभयो । यसलाई पीपीपी (पब्लिक प्राइभेट पार्टनरसीप) को अवधारणाअनुसार अगाडि बढाइने उहाँको भनाइ छ ।
रेसुंगा नगरपालिकाका पूर्वाधार संयोजक एवम् ‘जाउँ हिँड रेसुंगा’ अभियानका संयोजक रामप्रसाद पन्थी ‘रामजी’ ले सामान्य सम्भाव्यता अध्ययन भइसकेको र यसलाई विस्तृत डीपीआर तयार गरेर आगामी आर्थिक वर्षमा सम्पन्न गर्नेगरी अगाडि बढाइने बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच