कालीकोट । मगुबाट सुर्खेत तर्फ जाँदै गरेको ट्याक्टर कालीकोटमा दुर्घटना भएको छ । हिल्सा जमुना कर्णाली करिडोरको कालीकोट बाजुरा सडकखण्ड अन्र्तगत पर्ने कालीकोटको पचालझरना गाउँपालिका वडा नम्बर– ८ मयखोलमा ट्याक्टर दुर्घटना भएको हो ।
मुगुबाट सुर्खेतका लागि छुटेको भे २ प ६८१ नम्बरको ट्याक्टर पचालझरना गाउँपालिकाको मयखोलामा दुर्घटना भएको इलाका प्रहरी कार्यालय पचालझरनाले जनाएको छ ।
ट्याक्टर दुर्घटना हुँदा चालक मुगुको खत्याड गाउँपालिका वडा नम्बर–६ का तिलकराज बुढथापा कर्णाली नदीमा बेपत्ता हुनुभएको छ ।
सडकबाट ट्याक्टर सिधैँ नदीमा खसेकाले चालक बेपत्ता भएको प्रहरीले बताएको हो । प्रहरीका अनुसार घटनास्थलमा इलाका प्रहरी कार्यालय पचालझरनाको टोली गएको बताइएको छ । ट्याक्टरको पछाडिको भाग बगाएको र चालकसहित अगाडिको भाग नदीमा डुबेको प्रहरीको भनाइ छ ।
कालीकोटमा जेठ महिनामा मात्रै जीप दुर्घटना हुँदा पाँच जनाले ज्यान गुमाएका छन् ।
कच्ची सडक र चालकको लापरबाहीले दिनहुँ कर्णाली करिडोरलगायत करिडोरसँग जोडिएका अन्य सडकहरूमा सवारी दुर्घटना हुने क्रम बढिरहेको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच