जुम्ला । जुम्लाको तिला गाउँपालिकाले आगामी आर्थिक वर्ष २०८०/८१ को नीति, बजेट तथा कार्यक्रम तर्जुमासम्बन्धी कार्य प्रारम्भ गरेको छ । यसका लागि तिलाले सुझाव सङ्कलनलाई तीव्र बनाइरहेको छ ।
आगामी आवको नीति, बजेट तथा कार्यक्रम तर्जुमाका लागि आईतबार राजनीतिक दल,बुद्धिजीवी, सञ्चारकर्मी, समाजसेवी, पेसाकर्मी कर्मचारी,निस्वर्तमान वडाध्यक्ष र आम नागरिकबाट राय सुझाव माग गरिएको तिला गाउँपालिमा उपाध्यक्ष गोरीकला बुढाले जानकारी दिनुभयो ।
आगामी असार १० गते नीति तथा कार्यक्रम र बजेट ल्याउने तयारी भइरहेको र यसैको तयारीस्वरुप सुझाव सल्लाह सङ्कलन कार्यलाई सामाजिक विकास, आर्थिक विकास, पूर्वाधार विकास, वन वातावरण, सेवा प्रवाह र सुशासनका सवालमा आफ्ना सुझाव सल्लाह र राय पेस गर्न सकिने गाउँपालिका अध्यक्ष मोतिलाल रोकायाले बताउनुभयो ।
नीति, बजेट तथा कार्यक्रम गाउँपालिकाले ल्याउँदा यहाँका स्थानीयको आवश्यकता र दिगो विकास आयोजनालाई विशेष प्रथामिकतामा राखेर बजेट ल्याउनुपर्नेमा यहाँका सरोकारवालाहरुले सुझाव दिएका थिए।
जिल्लाका अन्य स्थानीय तहहरुले पनि आगामी आवको नीति तथा कार्यक्रम र बजेटका लागि सुझाव सङ्कलन गरिरहेका छन् ।
राय सुझावकै आधारमा आगामी वर्षको नीति, बजेट तथा कार्यक्रम ल्याइने तिला गाउँपालिमा निमित्त प्रमुख प्रशासकीय अधिकृत मोहन बहादुर विष्टले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच