मस्को । रुसमा निजी सैन्य समूह वाग्नरले गरेको सैन्य विद्रोह असफल भएको छ । रुसी राष्ट्रपति भ्लादिमिर पुटिनले देश गृहयुद्धमा जान लागेको भन्दै वाग्नर समूहलाई दबाउने बताए पनि कति बेला के हुने हो भन्ने अन्यौलका बीच बेलारुसका राष्ट्रपति अलेक्जेण्डर लुकासेन्कोको मध्यस्थतामा वाग्नर समूह पछि हटेपछि सैन्य विद्रोह असफल भएको हो ।
वाग्नर समूहका प्रमुख प्रिगोझिनले आफ्ना सैनिकलाई क्याम्पमा फर्किन आदेश दिनुभएको छ । वाग्नर समूहले रोस्तोब र लिपेत्सेक शहरमा भने कब्जा जमाइरहेको छ । लिपेत्सेक शहर मस्कोबाट तीन सय किलोमिटर टाढा छ । वाग्नर प्रमुखमाथि रुसले लगाएका सबै आरोप फिर्ता लिने र उनलाई बेलारुसमा बस्न दिने सहमति भएको बताइएको छ । यद्यपि प्रिगोझिन मस्कोभित्रै रहनुभएको छ ।
रुसको शासनमा २२ वर्षदेखि एकछत्र रहँदै आउनुभएका पुटिनले पहिलो पटक ठूलो खतराको सामना गर्नुपरेको हो । बख्तरबन्द गाडीसहित वाग्नर सेना अघि बढेपछि रुसी राजधानी मस्कोमा संकटकाल लगाइएको थियो भने रेड स्क्वायरलगायत स्थानमा सेना तैनाथ गरिएको थियो । युक्रेनको बाख्मत शहर कब्जा गर्न झण्डै नौ महिना लडेको वाग्नर समूह पछिल्लो समय पुटिनको व्यवहारबाट चिढिएको थियो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच