काठमाडौं । सातौं प्रधानमन्त्री कप एनभिए राष्ट्रिय महिला तथा पुरुष क्लव भलिबल लिग आगामी असार तेस्रो सातादेखि शुरु हुने भएको छ ।
नेपाल भलिबल संघको आयोजनामा आगामी असार २३ देखि ३० गतेसम्म पुरुष तथा महिला भलिबल क्लव लिग हुने भएको हो । यसै संस्करणदेखि प्रतियोगितामा प्रधानमन्त्री कप नाम राखिएको छ । संघले सोमवार एक कार्यक्रम आयोजना गर्दै प्रतियोगिताका बारेमा जानकारी दिएको हो । क्लव भलिबल च्याम्पियनसिपमा पुरुषतर्फ आठ र महिलामा ६ टोलीले प्रतिष्पर्धा गर्दैछन् । पाँच महिना अगाडि सम्पन्न क्लव भलिबल च्याम्पियनसिपबाट छनोट भएका टोलीले क्लव भलिबल लिग खेल्न लागेका हुन् ।
पुरुषमा टिपटप हेल्प नेपाल स्पोटर््स क्लव, त्रिभुवन आर्मी, सशस्त्र प्रहरी बलको एपिएफ, नेपाल पुलिस, दावाली मिलन क्लव, केशवलाल स्मृति प्रतिष्ठान, गण्डकी प्रदेश भलिबल क्लव संघ र शैलुङ बागढुङ्गा स्पोर्टस् क्लवले चुनौती प्रश्तुत गर्नेछन् । महिलामा भने नेपाल पुलिस, न्यु डायमन्ड युथ स्पोर्टस् क्लव, एपिएफ, आर्मी, एभरेस्ट भलिबल क्लव र गण्डकी प्रदेश भलिबल क्लवले प्रतिष्पर्धा गर्नेछन् । प्रत्येक टोलीले तीन जना विदेशी खेलाडी समावेश गर्न पाउने नेपाल भलिबल संघका अध्यक्ष जितेन्द्रबहादुर चन्दले जानकारी दिनुभयाे ।
पुरुष र महिला दुवै तर्फ शीर्ष तीन स्थान प्राप्त गर्ने टोलीले क्रमशः ६ लाख, तीन लाख र एक लाख ५० हजार रुपैयाँ पाउनेछन् । चौथो स्थानमा रहने टोलीले भने ७५ हजार रुपैयाँ प्राप्त गर्नेछन् । प्रतियोगिताका लागि राष्ट्रिय खेलकुद परिषद्ले ४० लाख रुपैयाँ सहयोग गरेको संघले जनाएको छ । पुरुषतर्फ क्लव लिगको उपाधि भिडन्त तय गर्ने दुई टोलीले पहिलोपटक हुन लागेको काभा क्लव भलिबल च्याम्पियनसिपमा खेल्नेछन् ।
नेपाल भलिबल संघको आयोजनामा पहिलोपटक काभा क्लब भलिबल च्याम्पियनसिप नेपालमा नै हुँदैछ । त्यसका लागि संघले प्रक्रिया अगाडि बढाइसकेको छ । सेन्ट्रल एशियन भलिबल एशोसिएशन (काभा) का अध्यक्ष मोहमेद लथिफले नेपाललाई पहिलोपटक काभा क्लव भलिबल च्याम्पियनसिप आयोजना गर्न दिने संकेत गरिसकेको चन्दले जानकारी दिनुभयो । यद्यपि, स्वीकृति पत्र भने आउने बाँकी रहेको उहाँको भनाइ छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच