कुमारी मन्दिरको जिर्णोद्वार

हिमालय टाइम्स

Saturday July 8, 2023

Read Time = 2 mins

डिजिटल संस्करण

अध्यात्म/संस्कृति

A A- A+

काठमाडौं । काठमाडौं महानगरपालिका-७ चावहिल मैजुवहालस्थित पौराणिक कुमारी मन्दिरको जिर्णोद्वार सम्पन्न भएको छ ।

उक्त मन्दिरको निर्माण गर्न काठमाडौं महानगरपालिका-७ कार्यालयबाट सात लाख र थप दश लाख गरि जम्मा सत्र लाख आर्थिक सहयोग प्राप्त भएको छ । यस्तै स्थानीयबासिन्दाले पनि नगद तथा जिन्सि सामान सहयोग गरेका थिए ।

मन्दिर निर्माण तथा जिर्णोद्वार कार्यको पहिलो चरण सम्पन्न गर्न उक्त वडाका अघिल्लो वडा अध्यक्ष शुहुकुमार डंगोल, वडा सदस्यहरू निर्मला पुडासैनी, कृष्णमणी भट्टराई, कृष्ण घिमिरे, चन्द्रकला सुन्दासले सहयोग गर्नुभएको थियो भने दोस्रो चरणको काम सम्पन्न गर्न वडाका हालका वडा अध्यक्ष विमलकुमार होडा, वडा सदस्यहरू रूपा थापा क्षेत्री, उज्ज्वल अर्याल, सुरेश शाही र कल्पना कलस सुन्दासले सहयोग गर्नुभएको थियो । उहाँहरूलाई मैजुवहालवासी तथा मैजुवहाल कल्याणकारी गुठीले शनिबार आयोजित कार्यक्रममा धन्यवाद दिएका थिए ।

मन्दिरमा शनिबार परम्पराअनुसार क्षमा पूजासमेत गरिएको थियो । ‘मैजुबहाल कल्याणकारी गुठी’को रेखदेखमा मन्दिर निर्माण कार्य सम्पन्न गरिएको थियो ।

मन्दिर

यो खबर पढेर तपाईलाई कस्तो महसुस भयो ?