सर्लाही । सर्लाहीका एक युवकको रोजगारीको सिलसिलामा मलेसियामा मृत्यु भएको छ ।
हरिवन नगरपालिका–१, अत्रौली घर भएका २७ वर्षीय हेमबहादुर श्रेष्ठको शुक्रबार बिहान आफू कार्यरत कम्पनी परिसरमा बसको ठक्करबाट मृत्यु भएको हो । ललितप्रसाद श्रेष्ठ र इन्द्रकुमारी श्रेष्ठका छोरा हेमबहादुर पाँच वर्षअघि विवाह गर्नासाथ मलेसिया जानुभएको थियो ।
मोरङ बेलबारीकी बिनिता श्रेष्ठसँग प्रेम विवाह गरेर मलेसिया जानुभएका श्रेष्ठ त्यसयता नेपाल फर्किनुभएको थिएन । उहाँहरुको बालबच्चा पनि भएका छैनन् । राम्रो कमाइ हुने सजिलो काम छ भन्दै विवाह गर्नासाथ हेमबहादुर मलेसिया जानुभएको थियो । बुवा ललितप्रसादका अनुसार हेमबहादुर पाँच वर्षदेखि भिसा थप गरेर उतै बसिरहनुभएको थियो ।
मलेसियामा भएको सवारी दुर्घटनामा उहाँको मृत्यु भएको खबरले परिवारका सदस्यसहित छरछिमेकी पनि शोकमा रहेको हरिवन नगरपालिकाका कर्मचारी तारानाथ पोखरेलले जानकारी दिनुभयो ।
यसअघि पनि मलेसिया जानुभएका श्रेष्ठ पाँच वर्षअघि विवाह गर्न भनेर घर फर्किनुभएको थियो । घर आएपछि विवाह गर्नुभएका श्रेष्ठ श्रीमतीलाई आमाबुवाको साथमा छाडेर लगत्तै मलेसिया जानुभएको थियो । श्रेष्ठको शव चाँडै नेपाल ल्याउनको लागि पहल गरिदिन परिवारका सदस्यले स्थानीय जनप्रतिनिधिलाई आग्रह गरेका छन् ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच