लण्डन । स्पेनिस क्लब बार्सिलोनाले जोन ग्याम्पर ट्रफी जितेको छ । मंगलबार राती भएको खेलमा इङ्लिस क्लब टोटनहमलाई ४-२ गोल अन्तरले हराउँदै बार्सिलोनाले ट्रफी आफ्नो पक्षमा पारेको हो । लुइस कम्पनी ओलम्पिक रंगशालामा बार्सिलोनालाई जित दिलाउन रोबर्ट लेवान्डोस्की, फेरान टोरेस, अन्सु फाती र अब्दे इज्जलजौलीले एक-एक गोल गर्नुभयो । टोटनहमका लागि दुवै गोल ओलिभर स्किपले गर्नुभयो ।
लेवान्डोस्कीले खेलको तेस्रो मिनेटमा गोल गर्दै बार्सिलोनालाई अग्रता दिलाउनुभयो । टोटनहमका लागि खेलको २४औँ मिनेटमा स्किपले बराबरी गोल फर्काउनुभयो । स्किपले खेलको ३६औँ मिनेटमा व्यक्तिगत दोस्रो गोल गर्दै टोटनहमलाई २-१ को अग्रता दिलाउनुभयो । खेलको ८१औँ मिनेटमा टोरेसले गोल गर्दै बार्सिलोनालाई २-२ को बराबरीमा ल्याउनुभयो ।
बार्सिलोनाका लागि खेलको ९०औँ मिनेटमा फातीले गोल गर्दै टिमलाई ३-२ को अग्रता दिलाउनुभयो । खेलको इन्जुरी समयमा बार्सिलोनाका लागि इज्जलजौलीले गोल गर्दै टिमलाई ४-२ गोलको जित दिलाउनुभयो । एजेन्सी ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच