काठमाडौं । अन्तर्राष्ट्रिय नेपाली साहित्य समाज (अनेसास)को नेपाल च्याप्टरको अध्यक्षमा राजेन्द्र केसी निर्वाचित हुनुभएको छ । अनेसासको हालै सम्पन्न अधिवेशनले अध्यक्षमा केसीलाई निर्विरोध निर्वाचित गरेको हो । यस्तै प्रथम तथा द्वितीय उपाध्यक्षमा मन्जिला अनिल र निर्मलरमण पराजुलीलाई चयन गरिएको छ । समितिको महासचिवमा रञ्जना निरौला, सचिवमा सुशिला खड्का हसिना र कोषाध्यक्षमा कमला रिसाल निर्वाचित हुनुभएको छ ।
समितिका सदस्यहरूमा आकाश अधिकारी, डा.शान्तिमाया गिरी, डीआर राई, शान्ति रिसाल, दुर्गाबहादुर शाह ‘बाबा’, सीता विष्ट कार्की, डा.हिरण्यलाल ज्ञवाली, सुमन वर्षा, सुचिता काफ्ले, द्वारिका कुइँकेल र इन्दिरा ढकाल निर्विरोध निर्वाचित हुनुभएको छ ।
अधिवेशनको उद्घाटन-सत्रमा विभिन्न स्रष्टालाई पुरस्कृत गरिएको थयो । कार्यक्रममा ‘राष्ट्रकवि माधवप्रसाद घिमिरे गीत पुरस्कार’ नगद राशि २१ हजारसहित गीतकार यादव खरेललाई प्रदान गरिएको थियो । यो पुरस्कार प्रेमध्वज प्रधानलाई (मरणोपरान्त) प्रदान गरिएको थियोे । यस्तै कलाकार मदनदास श्रेष्ठलाई ‘अनेसास विशिष्ट सम्मान’ प्रदान गरिएको थियो । कार्यक्रममा अनेसासका संस्थापक अध्यक्ष होमनाथ सुवेदी, पूर्वअध्यक्ष गीता खत्री, पूर्वअध्यक्ष राधेश्याम लेकाली र निवर्तमान अध्यक्ष प्रकाश पौडेल माइलालाई पनि सम्मानित गरिएको थियो ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच