काठमाडाैं । नेपाली काँग्रेसका सांसद शशांक कोईरालाले आगामी राजनीति युवाहरुको पक्षमा ल्याउनुपर्ने बताउनुभएको छ ।
मंगलवार प्रतिनिधि सभा बैठकबाट बाहिरिने क्रममा सञ्चारकर्मीहरुसँग संक्षिप्त कुराकानी गर्दै सांसद कोईरालाले आगामी राजनीति युवाहरुको पक्षमा ल्याउनुपर्ने बताउनुभएको हो । उहाँले आफूहरु बुढो भइसकेको र कहिले ढल्ने भन्ने थाहा नभएको भन्दै उहाँले राजनीतिमा युवाको आवश्यकता औँल्याउनु भयो ।
उहाँले यसका लागि आफू मनसुन सकिएसँगै पन्ध्रौँ महाधिवेशनको तयारी स्वरुप सातवटै प्रदेशमा घुम्ने पनि बताउनु भयो । उहाँले सभापतिको उम्मेदवार बन्नेबारेमा सञ्चारकर्मीले राखेको जिज्ञासाको जवाफ दिँदै साथीहरुसँग कुरा गरेर मात्रै निर्णय गर्ने बताउनु भयो ।
उहाँले भन्नुभयो - ‘पन्ध्रौँ महाधिवेशनको तयारीको सिलसिलामा सातै प्रदेशमा घुम्ने । किनभने भोलिको राजनीति भनेको युवाहरुको पक्षमा ल्याउनुपर्छ । हामी त बुढो भइसक्यौँ कहिले ढल्छौँ थाहा छैन । म सबभन्दा पहिले साथीहरुसँग कुरा गर्छु । उनीहरुको चाहना के हो ? मैले मात्रै चाहेर त भएन नि । उनीहरुको चाहना हेर्छु । अनि त्यसपछि निर्णय गर्छु । गठबन्धनको सरकारमा हामीले गिभ एण्ड टेक गर्नुपर्छ । आफ्नै गोरुको बाह्रै टक्का हुँदैन । चाहँदा चाहँदै पनि हामी सुधार ल्याउन सक्ने सम्भावना म देख्दिनँ । गठबन्धन सरकारलाई स्थायित्व दिनका लागि गरेको । जनता खुशी छैन । तर यो बाध्यता हो ।’
उहाँले गठबन्धनको सरकार भएका कारणले सरकारले चाहेजस्तो काम गर्न नसकेको बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच