कोलम्बो। एसिया कपको सुपर फोर खेलमा घरेलु टोली श्रीलंकाले पाकिस्तानमाथि दुई विकेटको रोमाञ्चक जितका साथ फाइनलमा स्थान बनाएको छ ।
श्रीलंकाको कोलम्बोमा रहेको आर प्रेमदासा क्रिकेट स्टेडियममा भएको खेलमा आयोजक पाकिस्तानलाई ‘डकवर्थ एन्ड लुइस’ नियमका आधारमा दुई विकेटले पराजित गर्दै फाइनलमा स्थान बनाएको हो ।
पाकिस्तानले दिएको २५२ रनको लक्ष्य श्रीलंकाले निर्धारित ४२ ओभरको अन्तिम बलमा पूरा गर्यो । श्रीलंकाका लागि विकेटकिपर ब्याट्सम्यान कुशल मेन्डिसले ९१ रनको योगदान गरे ।
सदिरा सामराबिक्रमाले ४८ रनको योगदान सहित यी दूईले एक सय रनको साझेदारी गरेका थिए । श्रीलंकाको जितमा चरिथ असालंकाले अविजित ४९ रन बनाए । ओपनर पाथुम निसानकाले २९ रन बनाएका थिए ।
पाकिस्तानी बलर इफ्तिखार अहमदले तीन र साहिन शाह अफरिदीले दुई विकेट लिए । पाकिस्तानले नौ रनको कुल स्कोरमै पहिलो विकेट गुमाएको थियो । ओपनर ब्याट्सम्यान फाखर जामनले ४ रन बनाए ।
अर्का ओपनर अब्दुल्लाह सफिकले ५२ रन बनाए । विकेटकिपर ब्याट्सम्यान रिजवानले ८६ रनको योगदान गरे ।
साविक विजेता श्रीलंकाले आइतबार भारतसँग उपाधिका लागि खेल्ने छ । भारत एक खेल अगावै शीर्ष स्थानमा रहँदै फाइनलमा पुगिसकेको छ ।
भारतले सुपर फोरको अन्तिम खेल भने आज बंगलादेशसँग खेल्दैछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच