काठमाडौं । निक्षेप तथा कर्जा सुरक्षण कोषको आयोजनामा आगामी शनिबार वाकाथन र पाँच किलो मिटरको दौड आयोजना हुने भएको छ । कोषको ५०औं वार्षिकोत्सवको अवसरमा संस्थाले वाकाथन र पाँच किलोमिटर दौडको आयोजना गरेको हो ।
कोषका प्रमुख कार्यकारी अधिकृत रमेश घिमिरेले वित्तीय अनुशासनसम्बन्धी सचेतनाका लागि भन्ने नारासहित वाकाथन र दौडको आयोजना गरिएको बताउनुभयो । उहाँले कोषको ५०औं वार्षिकोत्सवको अवसरमा वित्तीय अनुशासनसम्बन्धी सचेतनाका साथै विभिन्न कार्यक्रम गरी मनाउन थालिएको जानकारी दिनुभयो ।
नेपाल प्रज्ञा प्रतिष्ठानको प्रज्ञा डबलीबाट सुरु हुने दौड बिहान साढे ६ बजे सुरु हुनेछ । दौड कमलादी, कमलपोखरी, नक्साल, डिसिजिएफ अफिस, गैह्रीधारा, लैनचौर, जमल, घण्टाघर पुगेर पुन कमलादीमा आएर समापन हुनेछ । पाँच किलोमिटर दौडका महिला तथा पुरुष विधाका विजेतालाई समान १५ हजार, दोस्रो हुनेलाई १० हजार र तेस्रो हुने खेलाडीलाई समान पाँच हजार रुपैयाँ पुरस्कारको समेत व्यवस्था गरिएको छ । कोषको केन्द्रीय कार्यालय टंगालमा वाकाथन र दौडमा सहभागी हुन चाहने व्यक्तिले नाम दर्ता गर्न सक्नेछन् ।
Like
Love
Happy
Surprised
Sad
Excited
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच