काठमाडौं । नेपालले आगामी महिना हुने आइसिसी टी-२० विश्वकप एसिया फाइनल छनोटअघि तीन देश सम्मिलित त्रिकोणात्मक टी-२० आई सिरिज आयोजना गर्ने भएको छ । मंगलबार बसेको नेपाल क्रिकेट संघ क्यानको बोर्ड बैठकले नेपाल, युएई र हङकङबीच असोज ३० देखि कात्तिक ९ गते त्रिवि क्रिकेट मैदानमा त्रिकोणात्मक सिरिज आयोजना गर्ने निर्णय गरेको हो ।
त्रिकोणात्मक सिरिज डबल राउण्ड रोबिनका आधारमा हुनेछ अर्थात् सबै टोलीले एकअर्कासँग समान दुई खेल खेल्नेछन् । शीर्ष दुई टोलीले फाइनल खेल्नेछन् । फाइनल टियु क्रिकेट मैदानमा हुनेछ । अन्य सबै खेल मूलपानी क्रिकेट मैदानमा हुनेछन् ।
आइसिसी टी-२० विश्वकप एसिया क्षेत्र छनोट कात्तिक १३ देखि २० गतेसम्म मूलपानी र टियु क्रिकेट मैदानमा हुँदैछ । त्यसैको तयारीस्वरूप नेपालले त्रिकोणात्मक सिरिज आयोजना गर्न लागेको हो ।
विश्वकप छनोटको समूह ‘ए’ मा नेपाल, सिंगापुर, ओमान र मलेसिया छन् । समूह ‘बी’ मा युएई, बहराइन, हङकङ र एसिया क्वालिफायर ‘ए’ बाट विजेता टोली नेपाल आउनेछ । एसिया क्षेत्र छनोट ‘ए’ मा कुवेत, माल्दिभ्स, कतार र साउदी अरेबिया छन् । एसिया क्षेत्र ‘ए’ आगामी सेप्टेम्बर २८ देखि ५ अक्टोबरसम्म कतारमा हुँदैछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच