काठमाडौं । उपप्रधान एवं रक्षामन्त्री पूर्णबहादुर खड्काले श्रीमानको चाँडै मृत्यु भएपछि आफ्नो जीवन खुशीले बाच्न पाउने महिलाको अधिकारलाई समाजले बिस्तारै स्वीकारेको बताउनुभएको छ ।
मंगलवार गीत ‘रातो टिकी’ गीत सार्वजनिक कार्यक्रमलाई सम्बोधन गर्दै उहाँले यस्तो बताउनुभएको हो । उहाँले पूरा उमेर हुँदै आफ्नो पति गुमाउँदा बाँकी जीवनमा महिलाले पाउने दुःखका बारेमा भिडियोमा राम्रोसँग देखाइएको बताउनु भयो । उहाँले देशको पश्चिमी क्षेत्रमा अझै पनि संस्कार, संस्कृति, परम्पराका रुपमा यस्तो प्रचलन रहेको भन्दै समाजलाई बदल्न जरुरी रहेको बताउनु भयो ।
उहाँले भन्नुभयो, ‘एउटा महिला हाम्रो संस्कार, परम्पराले हामीले सदियौँदेखि स्वीकार्दै तर त्यसका प्रतिको प्रनिनिधिमुलक प्रतिवाद गर्दै समाजमा परिवर्तन पनि आउँदै गरेको छ । एउटा पूरा उमेर हुँदै आफ्नो पति गुमाउँदा बाँकी जीवन ती महिलाको उमेर भएको, आफ्नो जीवन आफ्नो खुशीले बाच्न पाउने हक, आफ्नो जीवन अन्य महिलाहरुको जस्तै गरी बाच्न पाउने हक हाम्रो संस्कार, संस्कृति, परम्परा, त्यसले विगतमा छेकबार लगाएको थियो । त्यसलाई तोड्न् परम्परा शुरु भएको छ । समाजले स्वीकारेर आउन थालेको छ । यसको समस्या पश्चिममा अझै छ । आफ्नो जीवन हुँदाहुँदै पनि मन मारेर आफ्नो जीवन बिताउनुपरेको छ । यो भिडियोले समाजलाई बदल्ने कुरा देखाएको छ ।’
कार्यक्रममा बोल्दै अभिनेता दीपकराज गिरीले गीत सामाजिक दायित्व बोकेको रहेको र कर्णाली र सुदूरपश्चिम प्रदेशमा शिक्षाको अभावका कारण जनचेतना कम पुगेको अवस्थामा गीतले थप सचेत बनाउने बताउनु भयो । त्यस्तै अभिनेत्री दीपाश्री निरौलाले सामाजिक दायित्व बोकेर निस्किएको गीत धेरै नै राम्रो रहेको बताउनु भयो ।
उहाँले गीत सामाजिक विषयवस्तुमा रहेकाले सबैले मन पराउनेमा आशावादी रहेको बताउनु भयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच