काठमाडौं । अदालतको अवहेलना मुद्दामा सिधाकुरा अनलाइनलाई अडियो उपलब्ध गराउने व्यक्तिलाई उपस्थित गराउन सर्वोच्च अदालतले आदेश दिएको छ।
न्यायाधीशद्वय हरिप्रसाद फुयाल र महेश शर्मा पौडेलको संयुक्त इजलासले तिमिल्सिनालाई बयानका लागि २३ गते बिहान १० बजे अदालतमा उपस्थित गराउन आदेश गरेको छ।
अडियो स्रोत भनिएका ललितपुरको गोदावरी बस्ने राजकुमार तिमिल्सिनालाई बयानका लागि अदालतमा उपस्थित गराउन सर्वोच्च अदालतले भनेको हो।
यसैगरी, सिधाकुरा अनलाइनका प्रकाशक युवराज कँडेलको बयान बिहीबार सकिएको छ भने नवीन ढुंगानाको बयान नसकिएकाले हेर्दाहेर्दैमा राखी २१ गते १० बजे उपस्थित गराउन भनिएको छ।
'यस अदालतको मिति २०८१।१।१७ को आदेशानुसार बयानका लागि उपस्थित हुनु भएका सिधा कुरा डटकम अनलाईनका प्रकाशक युवराज कँडेलको बयान सम्पन्न भएको। कार्यकारी सम्पादक नविन ढुंगानाको बयान कार्य बाँकी नै रहेकोले सो कार्यका लागि मिति २०८१।१।२१ गते १० बजे उपस्थित हुनु भनी निजहरु दुवैलाई तारेख दिनू ।' आदेशमा भनिएकाे छ ।
सिधाकुराले गत शुक्रबार संवैधानिक इजलासमा रंगेहात घुससम्बन्धी मुद्दामा चलखेल गरेर फैसला भएको दाबी गरिएको सामग्री प्रकाशित गरेको थियो ।
सर्वोच्च अदालतले यसअघि सिधाकुरा अनलाइन र त्यही नामबाट सञ्चालित युट्युब च्यानलमा राखिएको विवादास्पद सामग्री २४ घण्टाभित्र हटाउन आदेश दिएको थियो ।
सर्वोच्च अदालतका वरिष्ठतम न्यायाधीशको नाम मुछिएको र संवैधानिक इजलासका न्यायाधीशहरु नै विचौलियाबाट प्रभावित भएर न्यायसम्पादन गरेको भन्ने आरोप लागेपछि सर्वोच्च अदालतले उक्त सामग्री हटाउन निर्देशन दिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच