भोजपुर । दशैं-तिहार लगायतका चाड पर्वहरु नजिकिँदै गर्दा जिल्ला प्रहरी कार्यालय भोजपुरले समुदाय स्तरमा सचेतना कार्यक्रम सुरु गरेको छ ।
चाडपर्वको समयमा नै अपराधिक घटनाहरु बढी हुने भएकाले सचेतनाका लागि प्रहरीले पर्चा बितरण लगायतका कार्यक्रमहरु थालेको जिल्ला प्रहरी कार्यालय भोजपुरका प्रहरी प्रमुख डिएसपी सुदिपराज पाठकले जानकारी दिनुभयो ।
जिल्ला प्रहरी कार्यालय भोजपुरको आयोजनमा आइतवार भोजपुर नगरपालिकाको वडा नम्वर ७, ८ र बजार क्षेत्रमा प्रहरी हवल्दार जितेन्द्रप्रसाद देवको नेतृत्वमा तीन जना प्रहरी टोली खटाई स्थानीयवासी, सवारी चालक तथा बजारमा आवतजावत गर्ने सर्वसाधारणहरुलाई समुदाय–प्रहरी साझेदारी अवधारणा अन्तर्गत चाडपर्व लक्षित सचेतनामूलक पर्चा बितरण गरिएको छ ।
सचेतना कार्यक्रमहरु जिल्लाको ग्रामीण क्षेत्रहरुमा समेत हुने जिल्ला प्रहरी कार्यालय भोजपुरले जनाएकोछ ।
प्रहरीले सुरु गरेको चाडपर्व लक्षित अभियानले समुदाय स्तरमा समेत राहत मिल्ने स्थानीय संजीव कार्कीले बताउनुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच