काठमाडौं । सरकारले राष्ट्रिय मानवअधिकार आयोगका सम्बन्धमा व्यवस्था गर्न बनेको विधेयकको मस्यौदा तर्जुमा गर्न सैद्धान्तिक स्वीकृति दिएको छ । बिहीबार बिहान सिंहदरबारमा बसेको मन्त्रिपरिषद्को बैठकले यस्तो निर्णय गरेको हो । बैठकपछि सञ्चारकर्मीहरूसँग निर्णयबारे जानकारी गराउँदै सरकारका प्रवक्ता एवं सञ्चार तथा सूचना प्रविधिमन्त्री रेखा शर्माले सरकारले नेपाल र इजिप्टबीचको युवा तथा खेलकुदसम्बन्धी यसैसाथ संलग्न मेमोरन्डम अफ अन्डरस्ट्यान्डिङ बिटुइन द गभर्मेन्ट अफ नेपाल एण्ड द गभर्मेन्ट अफ द अरब रिपब्लिक अफ इजिप्ट अन कोप्रेसन इन युथ एण्ड स्पोर्ट्स अफेयर्स विषयक समझदारीपत्र स्वीकृत गरी सोही बमोजिमको समझदारीपत्रमा समकक्षीलाई हस्ताक्षर गर्न युवा तथा खेलकुद मन्त्रालयलाई स्वीकृत प्रदान गरेको बताउनुभयो । उहाँले नेपाल र कतार सरकारबीच हुने संलग्न प्रोटोकल बिटुइन गभर्मेन्ट अफ नेपाल एण्ड द गभर्मेन्ट अफ द स्टेट अफ कतार अन कोप्रेसन इन द फिल्ड अफ प्रेस एण्ड इन्फर्मेसन विषयक संलग्न समझदरीपत्र स्वीकृत गर्ने र मन्त्रालयलाई सरकारका तर्फबाट उक्त समझदारी पत्रमा समकक्षी मित्रलाई हस्ताक्षर गर्न अख्तियारी दिने निर्णय पनि गरिएको बताउनुभयो ।
उहाँले भन्नुभयो, ‘राष्ट्रिय मानवअधिकार आयोगका सम्बन्धमा व्यवस्था गर्न बनेको विधेयकको मस्यौदा तर्जुमा गर्न सैद्धान्तिक स्वीकृति दिने । नेपाल र इजिप्टबीचको युवा तथा खेलकुदसम्बन्धी यसैसाथ संलग्न मेमोरन्डम अफ अन्डरस्ट्यान्डि बिटुइन द गभर्मेन्ट अफ नेपाल एण्ड द गभर्मेन्ट अफ द अरब रिपब्लिक अफ इजिप्ट अन कोप्रेसन इन युथ एण्ड स्पोर्ट्स अफेयर्स विषयक समझदारीपत्र स्वीकृत गरी सोहीबमोजिमको समझदारीपत्रमा समकक्षीलाई हस्ताक्षर गर्न युवा तथा खेलकुद मन्त्रालयलाई स्वीकृत प्रदान गर्ने । नेपाल र कतार सरकारबीच हुने संलग्न प्रोटोकल बिटुइन गभर्मेन्ट अफ नेपाल एण्ड द गभर्मेन्ट अफ द स्टेट अफ कतार अन कोप्रेसन इन द फिल्ड अफ प्रेस एण्ड इन्फर्मेसन विषयक संलग्न समझदरीपत्र स्वीकृत गर्ने । मन्त्रालयलाई सरकारका तर्फबाट उक्त समझदारीपत्रमा समकक्षी मित्रलाई हस्ताक्षर गर्न अख्तियारी दिने’, निर्णय भएको छ ।
यस्तै, सरकारले आव २०८०/८१ का लागि महान्यायाधिवक्ताको कार्यालयमा एकजना सूचना प्रविधि अधिकृतको अस्थायी दरबन्दी सिर्जना गर्ने भएको छ । सरकारले २०८० असोज २६ देखि कात्तिक २ गतेसम्म भारतमा हुने प्रधानमन्त्री गतिशक्ति गुरुयोजनाको अवलोकन भ्रमणमा राष्ट्रिय योजना आयोगका सदस्य डा.रामकुमार फुयाँलको नेतृत्वको प्रतिनिधिमण्डललाई सहभागी हुन स्वीकृति दिने, आव २०८०/८१ औद्योगिक प्रयोजनको लागि आवश्यक पर्ने कच्चा पदार्थ सुपारी, केराउ र मरिचको पैठारी गर्न अनुमति दिने, थाइल्याण्डको बैंककमा २०८० कात्तिक २ देखि ३ गतेसम्म आयोजनामा ऊर्जा, जलस्रोत तथा सिँचाइमन्त्री शक्तिबहादुर बस्नेतलाई सहभागी हुन स्वीकृति दिने, दुग्ध विकास संस्थानको सञ्चालक समितिका सदस्य डा.वेदबहादुर क्षेत्रीलाई संस्थानको सञ्चालक समितिको अध्यक्ष तोक्ने निर्णय गरेको छ ।
त्यस्तै रेल्वे सेवा सञ्चालन र मर्मत संभारका लागि तालिम प्राप्त जनशक्ति, आवश्यक उपकरण एवं मालसामान सरकार तथा सरकारी प्रक्रियाबाट सम्झौता गरी खरिद गर्न सैद्धान्तिक स्वीकृति दिने, रेल, मेट्रोरेल तथा मोनोरेल विकास आयोजनामा आव २०८०/८१ का लागि विभिन्न सेवा, समूह, उपसमूहका अधिकृतस्तरका १४ अस्थायी दरबन्दी स्वीकृत गर्ने, अन्तर्राष्ट्रियस्तरको क्रिकेट र बक्सिङ प्रतियोगितामा विजयी तथा पदक प्राप्त खेलाडी सहभागी मुख्य प्रशिक्षक, सहायक प्रशिक्षक, फिजियो र व्यवस्थापक (अफिसियल)लाई पुरस्कार प्रदान गर्ने निर्णय पनि गरेको छ । त्यस्तै सरकारले २०८० मंसिर १९ र २० गते मित्रराष्ट्र घानामा संयुक्त राष्ट्रसंघद्वारा आयोजना हुने २०२३ कार्यक्रममा उपप्रधान एवं रक्षामन्त्री पूर्णबहादुर खड्कालाई सहभागी हुन स्वीकृति दिने, सिन्धुली जिल्लाको सुनकोशी गाउँपालिकालाई १५ शैøयाको प्राथमिक अस्पताल निर्माणका लागि सोही गाउँपालिकाको वडा–३ स्थित ७.२ रोपनी जग्गा प्रयोग गर्न स्वीकृति दिने, माथिल्लो शीतखोला साना जलविद्युत् आयोजनाको भौतिक पूर्वाधारहरू निर्माणका लागि अर्घाखाँची जिल्लाको शीतगंगा नगरपालिका वडा–४ र ५ स्थित १.८४ हेक्टर जग्गा प्रयोग गर्न स्वीकृति दिने, अवकाशप्राप्त गैरनेपाली नागरिक अस्थायी शिक्षकहरूलाई सुविधा प्रदान गर्ने निर्णय गरेको छ ।
सरकारले आगामी २०८० कात्तिक १३ देखि १६ सम्म भारतको नयाँदिल्लीमा आयोजना हुने सभामा स्वास्थ्य तथा जनसंख्यामन्त्री मोहनबहादुर बस्नेत, सचिव डा.रोशन पोखरेल र अतिरिक्त स्वास्थ्य सचिव डा.विकास देवकोटालाई सहभागी हुन स्वीकृति प्रदान गर्ने निर्णयसमेत गरेको छ ।
संयुक्त राष्ट्रसंघका महासचिव एन्टोनियो गुटेरेस कात्तिक १२ मा नेपाल आउने
संयुक्त राष्ट्रसंघका महासचिव एन्टोनियो गुटेरेस आगामी कात्तिक १२ गते नेपाल आउनुहुने भएको छ । मन्त्रिपरिषद्को निर्णय सार्वजनिक गर्दै परराष्ट्र मन्त्रालयको निमन्त्रणमा महासचिव गुटेरेसको कात्तिक १२ देखि १५ सम्म नेपाल भ्रमण हुनलागेको सरकारको प्रवक्ता रेखा शर्माले जानकारी दिनुभयो । गुटरेसको यसअघि असोज २६ गते आउने कार्यक्रम तय भएपछि इजरायलमा हमास समूहको आक्रमणपछि स्थागित भएको थियो । महासचिव गुटरेसले प्रधानमन्त्री पुष्पकमल दाहाल ‘प्रचण्ड’सहित शीर्ष तहको भेटवार्ता गर्ने तय भएको छ । महासचिव गुुटरेसले नेपालको शान्ति प्रक्रिया, जलवायु परिवर्तनलगायत विषयमा भ्रमणको क्रममा चासो राख्ने जनाइएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच