![नेपाल लाइफ तारा सम्मान](https://ehimalayatimes.com/wp-content/uploads/2024/09/motivational-nepal-life.jpg)
काठमाडौं । सभामुख देवराज घिमिरेले राज्य सञ्चालनको कार्यलाई थप व्यवस्थित र पारदर्शी बनाउन सबै गम्भिर हुनुपर्ने बताउनुभएको छ ।
प्रतिनिधि सभाको बिहीवारको बैठक समापन गर्नुअघि बोल्दै सभामुख घिमिरेले संसदलाई लोकतन्त्रलाई थप योगदान दिन सक्नेगरी अभ्यास गराउनुपर्ने बताउनु भयो । उहाँले राज्य सञ्चालनको कार्यलाई थप व्यवस्थित र पारदर्शी बनाउन सबै गम्भिर हुनुपर्ने बताउनु भयो । उहाँले विगतको अनुभवहरुबाट आगामी दिनका संसदीय गतिविधिहरुलाई प्रभावकारी बनाउँदै लानुपर्ने बताउनु भयो । उहाँले चालु अधिवेशनमा संसदीय काम, कारबाहीले गति लिएका पनि बताउनु भयो ।
उहाँले भन्नुभयो – ‘माननीय सदस्यहरु, प्रतिनिधि सभाको चालु अधिवेशन अन्त्य हुँदै गर्दा माननीय सदस्यहरुले आज राख्नुभएका समिक्षात्मक अभिव्यक्तिप्रति मेरो पनि गम्भिर ध्यानाकर्षण भएको छ । हामीले चालु अधिवेशनबाट प्राप्त गरेका अनुभव र अभ्यासबाट शिक्षा लिँदै आगामी दिनका संसदीय गतिविधिहरु प्रभावकारी बनाउँदै लैजानुपर्दछ । संसद प्रभावकारी बनाउने दायित्व सरकार, संसदको नेतृत्व, राजनीतिक दल र माननीय सदस्यहरुको हो । चालु अधिवेशनमा संसदीय काम, कारबाहीले गति लिएका छन् । समितिहरुले सक्रियतापूर्वक काम शुरु गरेका छन् । प्रधानमन्त्री तथा मन्त्रीहरुसँगको प्रश्नोत्तरलाई नियमित र व्यवस्थित गर्ने अभ्यास शुरु गरिएको छ । जनप्रतिनिधिको सर्वोच्च थलो संसदलाई आगामी दिनमा लोकतन्त्रलाई थप योगदान दिन सक्नेगरी अभ्यास गर्न, राज्य सञ्चालनको कार्यलाई थप व्यवस्थित र पारदर्शी बनाउन हामी सबै गम्भिर हुनैपर्ने कुरा राख्न चाहन्छु ।’
संघीय संसदको दुवै सदनको चालु अधिवेशन आज राति १२ बजेबाट अन्त्य हुने भएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच