भोजपुर । जाजरकोट र रुकुम पश्चिमका भूकम्प पीडितलाई भोजपुर जिल्लाका स्थानीय तहहरुले सहयोग गर्न सुरु गरेका छन । नौ पालिका मध्ये एक नगरपालिका र तीन गाउँपालिकाले राहत रकम जम्मा गरेका हुन् ।
जिल्लाका नौ पालिका मध्ये रामप्रसाद राई गाउँपालिका, पौवादुङमा गाउँपालिका, भोजपुर नगरपालिका, अरुण गाउँपालिकाले भुकम्प पीडितको सहयोगका लागि राहत कोषमा रकम जम्मा गरेका हुन । पालिकाको निर्णय अनुसार पालिकाको बिपद ब्यवस्थापन कोष मार्फत पीडितका लागि सहयोग गर्न लागिएको रामप्रसाद राई गाउँपालिकाका अध्यक्ष थामबहादुर राईले बताउनुभयो ।
यता जिल्लाको पूर्वी पौवादुङमा गाउँपालिकाले पनि पीडितका लागि दुई लाख सहयोग गरेको छ । दुई जिल्लामा भूकम्पबाट मानवियसँगै ठुलो धनजनको क्षति भएकाले एक /एक लाख पालिकाले सहयोग गरेको गाउँपालिका अध्यक्ष किरण राईले बताउनुभयो ।
भोजपुर नगरपालिकाले पनि भुकम्पमा पीडित जाजरकोट र रुकुम जिल्लालाई प्रधानमन्त्री राहत कोष मार्फत खर्च हुने गरी स्थानीय विपद व्यवस्थापन कोषबाट ५०/५० हजार सहयोग गरेको नगर प्रमुख कैलाश आलेले बताउनुभयो ।
यता जिल्लाको पूर्वी अरुण गाउँपालिकाले पनि राहत रकम कोषमा जम्मा गरेको छ । गाउँपालिकाले स्थानीय विपद व्यवस्थापन कोषबाट ५०/५० हजार दुई जिल्लालाई सहयोग गरेको गाउँपालिकाका अध्यक्ष शालिकराम खत्रीले जानकारी दिनुभयो । राहत कोषमा अन्य पालिकाहरुले पनि रकम जम्मा गर्ने जनाएका
छन ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच