काठमाडौं । साहित्यकार, गीतकार तथा सर्जक सरला श्रेष्ठको ५६ वटा गीतहरू समावेश गरिएको मासिक पत्रिका ‘शारदा’को विशेषांक लोकार्पण गरिएको छ । काठमाडौंमा आयोजित एक विशेष समारोहमा मंगलबार वरिष्ठ कलाकार मदनकृष्ण श्रेष्ठ, गीतकार एसपी कोइराला, कवि तथा गीतकार विश्व वल्लभ, साहित्यकार तथा पत्रकार विमल भौकाजी, गीतकार संघका अध्यक्ष वसन्त वित्यासी थापालगायत व्यक्तित्वले गीतकार श्रेष्ठका हस्तलिपीमा रहेका गीतहरू समावेश ‘शारदा’ मासिक लोकार्पण गर्नुभएको थियो ।
समारोहलाई सम्बोधन गर्दै गीतकार सरला श्रेष्ठले ‘शारदा’ जस्तो ऐतिहासिक साहित्यिक पत्रिकामा आफ्नो हस्तलिपीमा एकल गीति विशेषांक प्रकाशित भएकोमा गौरवको क्षण महसुस गरिरहेको बताउनुभयो ।
समारोहमा ‘शारदा’ मासिक पत्रिकामा प्रकाशित एउटा ‘ए मेरो मनको राजा’ को म्युजिक भिडियोसमेत प्रिमियर गरिएको थियो । प्रमोद खरेल र अञ्जु पन्तको युगल स्वरको यो गीतमा कीर्ति न्यौपानेको संगीत छ । कृष्णदेव रूपाखेतीको निर्देशन रहको भिडियो कुलेखानी क्षेत्रका रमणीय लोकेसनमा छायांकन गरिएको छ । भिडियोमा अभिनेता पुष्प खड्का तथा अभिनेत्री गरिमा शर्माको जोडीलाई चित्रण गरिएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच