-राजकुमार कार्की
ओखलढुंगा । यो प्रश्न चम्पादेवी गाउँपालिकाका प्रमुख नवराज केसीले जिल्ला पुर्वाधार विकास कार्यालयका प्रमुख रविचन्द्र पन्जियारलाई सोधिएको हो । जिल्ला प्रशासन कार्यालय ओखलढुंगामा भएको कार्यालय प्रमुखहरुको बैठकमा आफ्ना कुरा राख्दै केसीले यस्तो प्रश्न सोध्नु भएको हो ।
प्रमुख केसीले जिल्ला पुर्वाधार विकास कार्यालयले ५० लाख खर्च गरेर खनेको सडकमा मान्छे चढेको घोडा हिड्न नसक्ने, खच्चडलाई पनि भारी कम गरेर मात्र हिड्न सक्ने सडक निर्माण गरेको आरोप लगाउनु भएको छ ।
जिल्ला पुर्वाधार कार्यालय ओखलढुंगाले ५० लाखले खनेको लिखु एक्वारको सडक खच्चड हिड्न नसक्ने भएको र उक्त सडक अनुगमन गर्न पटक–पटक फोन गर्दा पनि अनुगमन नै नगरी पैसा भुक्तानी गरेको आरोप लगाउनु भयो । उहाँले भन्नु भयो; ‘तपाईहरुलाई प्रमाण दिन्छु, फोटो भिडियो सबै दिन्छु, त्यो बाटोमा अहिले खच्चड पनि हिड्न सक्दैन, राज्यको पैसा खर्च गरेर के अर्थ छ !’
गाउँपालिकाले ५ लाखले गरेको काम त्यो भन्दा धेरै गुणस्तर भएको, तर ५० लाख खर्च गरेर खनेको सडक भारी बोकेको खच्चड पनि हिड्न नसक्ने सडक निर्माण भएको बताउनु भयो । कार्यालयका प्राविधिकहरुले कार्यालयमै बसेर गुगल हेरेर स्टीमेट गर्ने गरेको र प्राविधिक फिल्डमै पुगेर त्यहाँका जनप्रतिनिधीहरु सँग समन्वय गरेर स्टिमेट गर्न पनि आग्रह गर्नुभयो । सोही कार्यालयले नवलपुर पलापु सडक खण्डमा पनि जहाँ वाल लगाउनु पर्ने अवस्था नै छैन, त्यहा वाल लगाइएको छ । वाल लगाउनु पर्ने आवश्यक नभएको तर ढुङ्गाको खानी छ भने त्यहा वाल लगाउने गरिएको छ । यस्तो विकासले हामी कहाँ पुग्छौ ? प्रश्न गर्नुभयो । कार्यालयले गरेको बदमासीको भागेदार जनप्रतिनिधीले हुनुपर्ने ? त्यहा पैसा लिई सकेर ठेकेदार जाने, तर नागरिकको गाली चाहीँ हामी जनप्रतिनिधीले खाईरहने !
लिखु एक्वारको सडक निर्माणमा पुर्वाधार विकास कार्यालयका प्रमुख रविचन्द्र पन्जियारले ५० लाख भुक्तानी नगरी १७ लाख मात्र भुक्तानी गरेको बताउनु भयो । प्रमुख ज्युले आरोप लाए जस्तो पनि नभएको बताउनु भयो ।
२०७२ सालमा शुरु भएको बिलन्दु खानेपानी योजना आज सम्म पनि सम्पन्न भएको छैन । एउटै योजना यति लामो समय सम्म रोकेर राखेर कस्तो विकास गर्न खोजेको हो । राज्यको पैसा त त्यहाँ लगानी भईसकेको छ । नयाँ योजना पनि मागेको होइन । पाइप लगेर बाटोमा त्यतिकै फालीराखिएको छ ।
विकासे कार्यालयले स्थानिय तह सँग समन्वय नगरी योजना सन्चालन गर्दा कामको गुणस्तरमा कम भएको आरोप थियो । गाउँपालिकाले ५० हजारको काम गर्दा त्यहाँ होडिङबोर्डको व्यवस्था, सार्वजनिक सुनुवाई गर्ने गरेको तर कार्यालयले गर्ने करोडौको कामको पनि होडीङबोर्ड पनि नराखिएको, सार्वजनिक सुनुवाई पनि नगरिएको आरोप लगाउनुभयो । राज्यको पैसा गईसकेपछी त्यसको राम्रो काम होस्, त्यसको प्रतिफल राम्रो निस्क्योस् नागरिकले छिटोछरितो सेवा पाउन् भन्ने चाहना सबैको हुन्छ । पैसा लगानी भएपछी राम्रो प्रतिफल निकाल्ने सबैको उदेश्य हो । त्यसैले यहाँहरुले यस जिल्लामा गरेको राम्रो कामको जहाँ सरुवा भएर गएपनि त्यसको मूल्याँकन गर्ने गरिन्छ । त्यसैले आफ्नो कार्यालकालमा राम्रो काम गरेर समग्र जिल्लाको विकासमा सहयोग गर्न आग्रह समेत गर्नुभयो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच