काठमाडौं । ३२औँ अपांगता दिवसका अवसरमा नेत्रहीन क्रिकेट संघ, नेपालले आयोजना गरेको नेत्रहीन क्रिकेट प्रतियोगिताको उपाधि बागमती काठमाडौंले जित्न सफल भएको छ । बुधबार भएको फाइनलमा टस जितेर फिल्डिङ रोजेको बागमतीले कास्कीलाई २० ओभरको निर्धारित खेलमा १५४ रनको योगफलमा रोकेको थियो ।
उक्त रन जोड्ने क्रममा कास्कीले नौ विकेट गुमाएको थियो भने कास्कीका लागि सुनिल राना मगरले सर्वाधिक ५३ रन बनाउनुभएको थियो । बागमतीका लागि किरण चलाउनेले दुई, निश्चल शिवाकोटी, भुपराज पाठक र सुजन श्रेष्ठले एक-एक विकेट हात पार्नुभएको थियो ।
निर्धारित १५५ रनको लक्ष्य पछ्याउँदै बागमतीले १५.५ ओभरमा मात्र दुई विकेट गुमाएर भेट्टाएको थियो । बागमतीका लागि भुपराज पाठकले सर्वाधिक ४१ रन बनाउनुभएको थियो । कास्कीका युवराज भण्डारीले दुई विकेट हात पार्नुभएको थियो । फाइनल खेलको प्लेयर अफ द म्याच बागमतीका भुपराज पाठक हुनुभएको थियो ।
मंसिर १७ देखि २० गतेसम्म मूलपानी क्रिकेट मैदानमा कास्की, म्याग्दी, सिन्धुपाल्चोक, बागमती काठमाडौं तथा राष्ट्रिय नेत्रहीन महिला क्रिकेट टोलीबीचमा भएको नेत्रहीन क्रिकेट प्रतियोगिताको समापन समारोहका प्रमुख अतिथि रास्वपाका सांसद हरि ढकालले विजेता बागमती टिमलाई ३० हजार नगद, शिल्ड तथा प्रमाणपत्र तथा उपविजेता कास्कीलाई १५ हजार नगद, शिल्ड तथा प्रमाणपत्र हस्तान्तरण गर्नुभएको थियो ।
प्रतियोगिताको प्लेयर अफ द सिरिज सुनिल राना मगर हुनुभएको थियो । नेत्रहीन क्रिकेट संघ नेपालका अध्यक्ष पवन घिमिरेले राज्यले समावेशी खेलकुदलाई पक्षपात गरेको अनुभव व्यक्त गर्दै आगामी दिन समावेशी खेलकुद तथा अपांगता भएका खेलाडीको उचित सम्मान हुनुपर्ने आवाजसमेत उठाउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच