काठमाडौं । ओखलढुंगाकी अनुषा कार्कीले मिसेस हिमालयन नेपाल-२०२३ को उपाधि चुम्न सफल हुनुभएको छ । हिमालयन मुभिज प्रोडक्सन हाउसले काठमाडौंमा सम्पन्न गरेको दशौं संस्करणको प्रतियोगितामा अनुषाले मिसेस हिमालयन नेपाल २०२३ को ताज पहिरन सफल हुनुभएको हो । प्रतियोगितामो फष्ट रनरअपमा अनिषा घजु र सेकेण्ड रनरअपमा राज्यलक्ष्मी कर्माचार्यले आफ्नो स्थान सुरक्षित राख्न सफल हुनुभयो ।
सिनियर फेसन कोरियोग्राफर हिमानी सुब्बाको कोरियोग्राफीमा सञ्चालित प्रतियोगितामा एक दर्जन प्रतियोगीले दुई सातासम्म व्यक्तित्व विकास वोलीचाली अभ्यास, स्टेजको प्रस्तुति, क्याटवाक, बौद्धिक विकासलगायत विविध विषयमा तालिम लिई आफूलाई स्टेजमा उतारेका थिए । कोरियोग्राफर सुब्बाले प्रतियोगीलाई ‘मलाई आँखैको परेलीमा’ बोलको गीतमा सुन्दर नृत्यसमेत गराउनुभएको थियो ।
परिचय, प्रश्नोत्तर, लिखित र क्राउनिङ चरणहरूमा सम्पूर्ण प्रतियोगीले आफूलाई प्रमाणित गर्ने कोशिस गरेका थिए । अभिनेता तथा चलचित्रकर्मी सिमान्त उदास, अभिनेत्री मोडल शुष्मा अधिकारी, मोडल तथा मिस्टर हृयाण्डसम नेपाल अभिषेक खड्का, मिसेस मंगोल नेपाल २०२३ सरिता गुरुङ निर्णायक मण्डल रहेको सो प्रतियोगितामा कलाकारले आकर्षक नृत्यसमेत प्रस्तुत गरेका थिए ।
कार्यक्रममा विविध सवटाइटलसमेत वितरण गरिएको थियो जसमा अनुषा कार्की मोष्ट एट्राक्टिभ, अनिषा घजु मोष्ट एयाक्टिभ, राज्यलक्ष्मी कर्माचार्य मोष्ट डाइनामिक, मोष्ट करिज्म्याटिक पञ्चु लिम्बू, मोष्ट स्मार्ट रोज खड्गी, मोष्ट सिन्सियर मञ्जिला राई, मोष्ट अनेष्ट शुष्मा रसाइली, मोष्ट इनर्जेटिक जयन्ती डंगोल, मोष्ट डिलिजेन्ट शुमित्रा तामाङ, वेष्ट फोटोजेनिक सुनु थापा, मोष्ट डिलाइटफुल कृष्णा श्रेष्ठ, मोष्ट पपुलर पञ्चु लिम्बू, पब्लिक च्वाइस भिडियो अवार्ड मञ्जीला राईले हात पार्न सफल हुनुभएको थियो ।
विवाहित महिलाहरूको क्षमता, प्रतिभा उजागर गर्ने उद्देश्यले कार्यक्रम सञ्चालन गरिएको आयोजक पक्षले जनाएको छ । कार्यक्रमको सञ्चालन रोजिन शाक्यले गर्नुभएको थियो । मिसेस हिमालयन नेपाल विवाहित महिलाहरूको राष्ट्रिय स्तरको सौन्दर्य प्रतियोगिता हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच