काठमाडौं । प्रमुख प्रतिपक्ष दल नेकपा (एमाले) का सचिव एवं सांसद योगेशकुमार भट्टराईले सरकारले बिखण्डनकारी गतिविधिलाई नियन्त्रण गर्न नचाहेको आरोप लगाउनुभएको छ ।
कोशी प्रदेशमा पहिचानवादीको नाममा मुलुकका बिखण्डनकारी गतिविधि गर्न लागेकाहरुलाई नियन्त्रण गर्नुको साटो वर्तमान सरकार कानमा तेल हालेर बसेको उहाँको जिकिर थियो । मंगलवार न्युज एजेन्सी नेपालसँग संक्षिप्त कुरा गर्दै सचिव भट्टराईले मुलुकमा देखिएको बिखण्डनकारी गतिविधिलाई तत्काल नियन्त्रणमा लिन प्रधानमन्त्री पुष्पकमल दाहाललाई सचेत गराउनु भयो ।
उहाँले कोशी प्रदेशतर्फ संकेत गर्दै एमालेले पहिचानको नाममा बिखण्डनकारी गतिविधि गर्नेहरुको प्रतिरोध गर्ने बताउनु भयो । कोशी प्रदेशको नाम बदल्नुपर्छ भन्नेहरुलाई आफूहरुले सकारात्मक रुपमा लिएको र सोहीअनुसार संवाद गर्ने सचिव भट्टराईको भनाई थियो ।
उहाँले भन्नुभयो, ‘अब यी विगतका कुरा हुन् । विगतका सानातिना, मसिना कुराहरुलाई ल्याएर ठूलो अतिरञ्जना गर्नुपर्ने आवश्यकता छैन । हिजो कतिपय पहिचान भन्ने साथीहरुमा कन्फ्युजन थियो । हामी जब ओलखढुंगादेखि फिदिमहुँदै चिवाभञ्ज्याङसम्म कार्यक्रम ग¥यौं । एउटा कार्यक्रममा २० औं हजारसम्म मानिसहरु सहभागी भए । भनेपछि त्यहाँ हामी दशौं कार्यक्रम भयो । भनेपछि त्यो ठाउँमा झन्डै ४÷५ लाख मान्छे त प्रत्यक्ष हामीसँग कुरा गर्न आउनु भयो, आम सभामा आउनुभयो भनेपछि त्यहाँ नेकपा एमाले नै बलियो छ नि । नेकपा एमालेकै वर्चश्व छ भन्ने कुरा स्पष्ट छ । दोस्रो कुरा मैले अघि पनि भने–पहिचान भित्रका दुुई वटा प्रवृत्ति हामीले छुट्टयाएर हेर्छौं । जो बिखण्डकारी छन् । तिनीहरुसँग हाम्रो कुराकानी हुँदैन । त्यो राज्यले डिल गरोस् । कसरी गर्र्छ, प्रचण्डले डिल गर्नुहुन्छ । त्यो सरकारको काम हो नि । राज्य भनेपछि आज सरकारमा को छ ? उहाँको होइन । उहाँ मज्जाले कानमा तेल होलर बस्ने त होइन नि । यत्रो कुरा उठिराखेको छ । के हो त ? सम्बोधन गर्नुप¥यो नि त । के गर्ने भनेर । अर्को एमाले एउटा अपोजिशनको हिसावले प्रमुख दल हुनुको नाताले हामीले सकारात्मक साथीहरुसित, सकारात्मक व्यक्तिहरुसित जो पहिचान पक्षधर हुनुहुन्छ । र कोशी प्रदेशमा नाम बदल्नुपर्छ भनेर पोजेटिभली नै छलफल गरिरहनुभएको छ । उहाँहरुसँग हाम्रो संवाद हुन्छ । जो निषेधकारी छन्, उनीहरुसँग संवाद हुँदैन । तिनीहरुसँग प्रतिरोध हुन्छ ।’
सचिव भट्टराईले कोशी प्रदेशमा पनि एमालेको वर्चश्व रहेको कुरा पार्टीको समृद्धिका लागि संकल्प यात्राले पनि पुष्टि गरेको बताउनु भयो ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच