बुटवल । नेपाल स्केटबोर्ड तथा स्केट बोर्डिङ संघ तथा स्केट एड नेपालको संयुक्त आयोजनामा पाँचौँ दक्षिण एसियाली स्केटबोर्ड प्रतियोगिता तथा स्केट जात्रा बिहीबारदेखि बुटवलमा हुने भएको छ । प्रतियोगिताको यो दोस्रो संस्करण हो भने स्केट जात्राको पाँचौँ संस्करण हो ।
प्रतियोगितामा दक्षिण एसियाका नेपालसहित भारत, बंगलादेश, श्रीलंका, भुटान, पाकिस्तान र माल्दिभ्स तथा आमन्त्रित राष्ट्रमा म्यान्मार र थाइल्याण्ड गरी नौ राष्ट्रको सहभागिता रहने आयोजक संघका अध्यक्ष अच्युत खनालले जानकारी दिनुभयो । नेपालबाट १०० खेलाडीको सहभागिता रहने बताइएको छ । बाँकी प्रत्येक राष्ट्रबाट ४० खेलाडीलाई आमन्त्रण गरिएको संघले जनाएको छ ।
पहिलो दिन छनोट चरणका खेलहरू हुनेछन् । छनोट चरणबाट प्रत्येक राष्ट्रबाट १६ खेलाडी सेमिफाइनलमा प्रवेश गर्नेछन् । सेमिफाइनलबाट प्रत्येक राष्ट्रबाट आठ खेलाडी उपाधि होडमा प्रवेश गर्नेछन् । पुरुष/महिलामा गेम्स अफ स्केटबोर्ड र बेस्ट रन स्पर्धामा प्रतिस्पर्धा हुनेछ ।
दुवैको स्पर्धा प्रदर्शनका आधारमा शीर्ष तीन स्थान हात पार्ने खेलाडीको टुंगो लगाइनेछ । पुरुष/महिला दुवैमा शीर्ष तीन स्थान हात पार्नेले क्रमशः एक हजार अमेरिकी डलर, ५०० अमेरिकी डलर र २५० अमेरिकी डलर नगद पुरस्कार प्राप्त गर्नेछन् । तीनदिने प्रतियोगिताका खेलहरू बुटवलको तिलोत्तमास्थित डुंगा स्केट पार्कमा खेलाइने आयोजक संघका उपाध्यक्ष एवं प्रतियोगिता संयोजक जागृत पहाडीले जनाउनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच