काठमाडौं । इन्टरनेसनल इ-स्पोर्ट्स फेडेरेसन (आइइएसएफ)ले वल्र्ड इ-स्पोर्ट्स समिट २०२३ का अवसरमा दक्षिण कोरियाको बुसानमा हालै आयोजित वल्र्ड इ-स्पोर्ट्स रेफ्री एकेडेमी २०२३ मा नेपालका तीनजना प्रतिनिधिले सफलता हासिल गर्दै रेफ्री लाइसेन्स हात पारेका छन् । आइइएसएफद्वारा भौतिक उपस्थितिमा पहिलोपल्ट आयोजित कार्यक्रममार्फत् रेफ्री लाइसेन्समा दुईदिने कक्षापछि भएको परीक्षामा नुवाकोटका क्षितिज श्रेष्ठ, अरुण मिश्र र सौजन्य श्रेष्ठले सफलता हासिल गर्दै रेफ्री लाइसेन्स हात पार्नुभएको छ ।
आइइएसएफको रेफ्री कोर्स उत्तीर्ण गर्ने उहाँहरू पहिलो नेपाली हुनुहुन्छ । अब उहाँहरूले आइइएसएफ रेफ्री टायर २ को हैसियतमा इ-स्पोर्ट्सका प्रतियोगिता सञ्चालन गर्न पाउनुहुनेछ ।
अमेरिकाका जेम्स उड र पिटर स्टेन्सनी, कोरियाका ली सुङ वन तथा अर्जेन्टिनाका निकोलस क्रेस्पोले प्रशिक्षण दिएको वल्र्ड इ-स्पोर्ट्स रेफ्री एकेडेमी २०२३ मा सात देशका २४ जना सहभागी भएका थिए ।
मोटर स्पोर्ट्सका मार्सलसमेत रहनुभएका क्षितिज बुद्धिचाल (चेस) का आर्बिटर (निर्णायक) पनि हुनुभएको छ । अरुण र सौजन्य १९औँ एसियाली खेलकुद २०२३ मा इ-स्पोर्ट्सअन्तर्गत ड्रिम थ्री किङडम दुईको नेपाली टिमको खेलाडी हुनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच