काठमाडौं । नेपाल मेडिसिटी अस्पतालले आइतबारदेखि कम्प्रिहेन्सिभ ब्रेस्ट क्यान्सर केयर सेन्टर सञ्चालनमा ल्याएकोे छ । महिलामा बढ्दो स्तन क्यान्सर र उपचार अभावका कारण मृत्यु बेहोनुपर्ने अवस्था मध्यनजर गर्दै उक्त सेन्टर सञ्चालनमा ल्याइएको मेडिसिटीले जनाएको छ । कम्प्रिहेन्सिभ ब्रेस्ट केयर सेन्टरअन्तर्गत महिलाहरूले सबै किसिमका उपचार, निदान, स्तन रिकन्सट्रक्सन तथा जनचेतनाका लागि तालिम सेवा एकै छातामुनिबाट प्राप्त गर्न सक्नेछन् । उक्त विभागबाट विभिन्न परीक्षण, शल्यक्रिया तथा शल्यक्रियापछि नक्कली स्तन राख्ने इम्प्लान्ट वा रिकन्स्ट्रक्सनको सुविधा पनि प्रदान गरिन्छ । सेन्टर उद्घाटन नायिका तथा सामाजिक अभियन्ता मनिषा कोइराला, नेपाल उद्योग वाणिज्य महासंघका पूर्वअध्यक्ष भवानी राणा र महिला उद्यमी महासंघ नेपालका निवर्तमान अध्ययक्ष निरु रायमाझीले संयुक्तरूपमा गरेका हुन् ।
अस्पतालका अध्यक्ष डा. उपेन्द्र महतोले नेपालीहरूलाई स्वदेशमै सम्पूर्ण सेवा प्राप्त होस् भन्ने उद्देश्यले विशेषज्ञ केन्द्रहरू एकपछि अर्को सञ्चालन गरेको बताउनुभयो । नायिका कोइरालाले विदेशमा जसरी नै नेपालमा पनि क्यान्सर रोगको केन्द्रिकृत उपचार अभ्यास हुनुपर्ने भन्दै क्यान्सरको अनुभव साट्दै सबै किसिमका क्यान्सरको उपचार नेपालमै हुनुपर्नेमा जोड दिनुभयो ।
नेपाल उद्योग वाणिज्य महासंघका पूर्वअध्यक्ष राणाले नेपाल मेडिसिटीमा स्तन क्यान्सरका सबै उपचार सम्भव भएकोमा खुसी व्यक्त गदै महासंघसँग जोडिएका ग्रामीण भेगका महिलामा जनचेतना फैलाउन आफूले पनि सहयोग गर्ने प्रतिबद्धता व्यक्त गर्नुभयो ।
महिला उद्यमी महासंघकी निवर्तमान अध्यक्ष रायमाझीले महिलामा जनचेतनाको कमी रहेको बताउनुभयो । उहाँले भन्नुभयो, ‘हाम्रो स्वास्थ्य प्रणाली महिलामैत्री छैन । सरकारले महिलालाई आर्थिकरूपमा सशक्तीकरण गर्ने उद्देश्य बोकेको छ तर जबसम्म महिलाको स्वास्थ्य सुरक्षित हुँदैन तबसम्म आर्थिकरूपमा सशक्तीकरण गर्न सकिँदैन ।’
प्रमुख तथा प्रिन्सिपल कन्सलटेन्ट डा. ज्योति रायमाझीले आफैं छामेर पत्ता लाग्न सक्ने रोग भए तापनि कति महिलालाई कसरी जाँच्ने भन्ने विषयमा थाहै नभएकाले स्तन क्यान्सरबारे जानकारी तथा छामेर पत्ता लगाउन सक्ने गरी सेल्फ ब्रेस्ट एक्जामिनेस ट्रेनिङको व्यवस्था गरिएको बताउनुभयो ।
स्तन क्यान्सर भन्नेबित्तिकै महिलालाई मात्र हुन्छ भन्ने भ्रम समाजमा फैलिएको भन्दै उहाँले यस्तो रोग पुरुषमा पनि देखिने बताउनुभयो । अध्ययनअनुसार एक लाख महिलामा एक सय १८ जनामा स्तन क्यान्सर देखिन्छ भने एक लाख पुरुषहरूमा एकजनामा स्तन क्यान्सर देखिने गरेको छ । रेडियोलोजिस्ट तथा ब्रेस्ट इमेजिङमा फेलोसिप गर्नुभएकी डा. कुन्दना रायमाझीका अनुसार सबै स्तनको क्यान्सर छामेर पत्ता लगाउन सकिँदैन । यसका लागि म्यामोग्राम परीक्षण गराउनुपर्छ । सामान्यतया म्यामोग्रामको परीक्षण ४० वर्ष नाघेपछि गरिन्छ भने ४० वर्षभन्दा कम उमेर समूहका महिलालाई स्तनको अल्ट्रासाउण्ड परीक्षणमात्र गराइन्छ ।
क्रिसमस तथा अंग्रेजी नयाँ वर्ष २०२४ को उपलक्ष्यमा उपचारका लागि आउने सबै व्यक्तिलाई एक महिनासम्म सबै परीक्षणमा १५ प्रतिशत छुटका साथै स्तन क्यान्सरसँग सम्बन्धित हरेक शल्यक्रिया तथा प्लास्टिक सर्जरी (सर्जिकल प्रसिडिउर) मा पनि १५ प्रतिशत छुट प्रदान गरिने हस्पिटलले जनाएको छ । छुट जनवरी ३१ सम्म रहन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच