काठमाडौं । विलक्षण क्रियसनको व्यवस्थापनमा क्वालिटी फिल्मस् प्रालिद्वारा मलेसियामा आयोजित क्वालिटी इन्टरटेनमेन्ट अवार्ड काठमाडौंको राष्ट्रिय नाचघरमा समापन गरिएको छ । तेस्र्रो संस्करणको अवार्ड कार्यक्रममा पत्रकार विदुर गिरीलाई रजत चलचित्र पत्रकारिता पुरस्कार, निर्देशक सुचित्रा श्रेष्ठलाई रजत कलाकारिता सम्मान, सञ्चारकर्मीहरू गोपीकृष्ण चापागाईं, गीता अधिकारी, रेणुका ढकाल, गायक लोकेन तामाङ, फेसन डिजाइनर दिलमाया मगर र समाजसेवी मुना लिम्बूलाई सम्मानित गरिएको थियो । नेपाल संगीत तथा नाट्य प्रज्ञा प्रतिष्ठानकी कुलपति निशा शर्माको प्रमुख आतिथ्यतामा अवार्ड कार्यक्रम सम्पन्न भएको हो ।
कार्यक्रममा आधुनिक गायनतर्फ राजकुमार सिंह उत्कृष्ट गायक, डेविड शंकर जुरी अवार्ड, श्रद्धा दियाली गायिका, बुद्धिमान थापा गीतकार र दीपक शर्मा संगीतकार, प्रभु गुरुङ भिडियो निर्देशक, रोशन बस्नेत र दीपशिखा खड्का मोडलको अवार्ड विजेता हुनुभयो ।
पप गीततर्फ सागर जोशी गायक, विकास सुवेदी मोडल, लोकपपतर्फ राजमान तामाङ गायक, लोकदोहोरीतर्फ राजु आरडी गायक, तुलमान गुरुङ जुरी अवार्ड, गणेश सेञ्चुरी पब्लिक च्वाइस अवार्ड, रोशन त्रिखत्री नवगायक, विवेक धिताल जुरी अवार्ड, वसन्ती सुनारी मगर गायिका, निमा तामाङ जुरी अवार्ड, ईश्वर खाती र पवित्रा गुरुङ मोडल, सरस्वती योञ्जन तामाङ जुरी अवार्ड, खगेन्द्र थामी संगीतकार, धीरज कोइराला लाइभ दोहोरी गायक, सिर्जन आले जुरी अवार्ड, लोकगीततर्फ रमेश परियार गायक, सन्ध्या परियार गायिका, भाषाभाषी तथा भेग विशेष गीततर्फ शैलेन्द्र नाल्बो लिम्बू गीतकार, लीला सिलिङ मावो जुरी अवार्ड, सुमन लिम्बू ‘लम्बू’ गायक, सुमित्रा बुढामगर गायिका, गोपाल पुनमगर (सिङरोन) जुरी अवार्ड, रमिला गुरुङ कौडा गीत गायिका, पूर्ण सेलिङ तथा दीपक काम्फे सुब्बा र पुष्पाञ्जलि तिलिङ मोडलको अवार्ड विजेता बन्नुभएको थियो ।
यस्तै, नेत्रबहादुर गुरुङ नृत्य निर्देशक, पुष्पा गुरुङ मेकअप आर्टिस्ट, सुनील परियार छायांकार, सुमन श्रेष्ठ डायस्पोरा छायांकार, सुनील भण्डारी नवछायांकार, विष्णु खड्का आधुनिक भिडियो सम्पादक, रोशन धिताल दोहोरी भिडियो सम्पादक, शर्मिला शर्मा टेलिशृंखला अभिनेत्री, श्रेयस पौडेल क्षेत्री बालकलाकार र सम्राट दाहाल बालकलाकार जुरी अवार्ड प्रदान गरिएको थियो ।
यसअघि, गत मंसिर ११ गते मलेसियामा अवार्ड विजेता घोषणासँगै त्यहाँ उपलब्ध कलाकारलाई अवार्ड प्रदान गरिएको काठमाडौं आएर समापन समारोह आयोजना गरी अवार्ड तथा सम्मान प्रदान गरिएको आयोजक संस्थाका अध्यक्ष तथा फिल्म र म्युजिक भिडिया निर्देशक उमेश गुरुङले जानकारी दिनुभयो ।
सञ्चारकर्मी तथा फिल्मकर्मी दिनेश डिसीले सञ्चालन गरेको कार्यक्रम सरिता भारतीको संयोजन र शनि लिम्बूको व्यवस्थापनमा सम्पन्न भएको थियो । कार्यक्रममा गायक नवीनकुमार पौडेल, डेभिड शंकरलगायतले गीत प्रस्तुत गरेर दर्शकलाई नचाउनुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच