काठमाडौं । बागमती प्रदेशले चौथो राष्ट्रिय खुला वादोरियो कराँते प्रतियोगिताको उपाधि जितेको छ । १२ स्पर्धा समावेश प्रतियोगितामा बागमती सर्वाधिक १० स्वर्ण जित्दै समग्रमा टिम च्याम्पियन बन्यो । बागमतीले दुई रजत र एक कांस्य पनि जित्यो ।
नेपाल वादोरियो कराँते डो संघद्वारा आयोजित प्रतियोगितामा एक स्वर्ण, तीन रजत र तीन कांस्यसहित कोशी प्रदेश दोस्रो भयो । तेस्रो स्थानको मधेश प्रदेशले एक स्वर्ण र पाँच कांस्य हात पार्यो । शीर्ष तीन स्थान हात पार्नेले क्रमशः १० हजार, आठ हजार र सात हजार नगद पुरस्कार हात पारे ।
बसुन्धारास्थित यति पार्टी प्यालेसमा भएको प्रतियोगिताको पुरुषमा बागमतीका डेविडकुमार श्रेष्ठ र महिलामा कोशीकी सञ्जिता लेप्चा उत्कृष्ट खेलाडी घोषित हुनुभयो । दुवैले जनही तीन हजार नगद पुरस्कार पाउनुभयो ।
प्रतियोगिताको अन्तिम दिन ६ स्वर्णका लागि भएको प्रतिस्पर्धामा सबै स्वर्ण बागमती प्रदेशका खेलाडीले जिते । पुरुष ५५ केजीमा डेविडकुमार श्रेष्ठ, ६० केजीमा सुविन्द्र घिसिङ, ६५ केजीमाथि पासाङ ग्याल्जेन र ५० केजीमा समिर घलानले स्वर्ण जित्नुभयो । महिला ५५ केजीमा दिया पहरी तथा ६० केजीमाथि टीकामाया जिमीले पहिलो स्थान हात पार्नुभयो ।
विजेतालाई प्रदेश खेलकुद परिषद्, लुम्बिनीका सदस्य-सचिव जयप्रकाश भट्टराई, नेपाल भारोत्तोलन संघका अध्यक्ष रामकृष्ण श्रेष्ठ, आयोजक संघका अध्यक्ष हरिशरण केसीलगायतले एक कार्यक्रमबीच पुरस्कृत गर्नुभयो । सो अवसरमा नेपाल कराँते महासंघको आयोजनामा भएको सातौँ दक्षिण एसियाली कराँतेका स्वर्ण विजेता एलोन श्रेष्ठ र सुस्मिता वाइबा तथा रजत विजेता उर्सला पहरीलाई प्रशंसापत्रबाट सम्मान गरिएको थियो । प्रतियोगितामा समावेश बाह्रै स्पर्धाका पदक विजेतालाई पनि नगद पुरस्कार प्रदान गरिएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच