काठमाडौं । प्रथम मुख्यमन्त्री कप खुला राष्ट्रिय ब्याडमिन्टन च्याम्पियनसिप २०२४ को उपाधि एपिएफका क्षितिज खनाल र कस्तुरी कलेजकी सीमा राजवंशीले जित्नुभएको छ । फिटनेस पार्क ब्याडमिन्टन एकेडेमीद्वारा आयोजित प्रतियोगिताको पुरुष एकलतर्फ क्षिजितले एपिएफकै देवराज रानालाई २१-१९, २१-१४ ले पराजित गर्दै उपाधि हात पार्नुभएको छ ।
यस्तै, सीमाले महिला एकलको फाइनलमा नेपाल पुलिस क्लबकी निता लम्साललाई २१-१०, १५-२१, २१-१६ ले पराजित गर्दै उपाधि हात पार्नुभएको हो । पुरुषतर्फ तेस्रो स्थानमा नखिपोटका विवेक चौधरी र एपिएफका अमन महर्जन तथा महिलातर्फ एपिएफका शोभा गौचन र रिना तामाङ रहनुभयो । विजयी खेलाडीहरूले नगद ५० हजार, उपविजयीले नगद २५ हजार र तृतीय स्थान प्राप्त गर्ने खेलाडीहरूले नगद १० हजार प्राप्त गर्नुभयो । यसका साथै विजयी खेलाडीहरूले मेडल, ट्रफी र प्रमाणपत्र प्राप्त गर्नुभयो ।
एकेडेमीको वसुन्धरास्थित आफ्नै कोर्टमा भएको प्रतियोगिताको पुरुष युगलतर्फ एपिएफका क्षितिज खनाल र देवराज रानाको जोडीले आफ्नै क्लबका सुजन थापा र राजु थापाको जोडीलाई १४-२१, २४-२२, २१-१४ ले पराजित गर्दै उपाधि उचाल्नुभयो । तेस्रो स्थानमा नेपाल पुलिस क्लबका पूर्ण थापा र गौरव दाहालको जोडी तथा सुनिल जोशी र दीपक बोहराको जोडी रहनुभयो ।
शीर्ष तीन स्थान प्राप्त गर्नेले नगद ५० हजार, २५ हजार र १० हजारका साथ मेडल, ट्रफी र प्रमाणपत्र प्राप्त गर्नुभयो । तीन दिनसम्म सञ्चालन भएको प्रतियोगितामा ब्वाइज यू-१३ तर्फको प्रतिस्पर्धामा एपिएफका आरुष सिंखडाले जित हात पार्नुभयो । उहाँले कैलालीका रियांस चौधरीलाई २३-२१, २१-१६ ले पराजित गर्नुभयो । आरुषले नगद १५ हजार र रियांसले नगद १० हजार प्राप्त गर्नुभयो । यस्तै, तेस्रो स्थान प्राप्त गर्ने कास्कीका आदित्य चौधरी र तनहुँका सफल भुजेलले नगद पाँच÷पाँच हजार प्राप्त गर्नुभयो । साथै विजयी खेलाडीहरूले मेडल, प्रमाणपत्र र ट्रफी पनि प्राप्त गर्नुभयो ।
गल्र्सतर्फ मोहन भूगोल फाउण्डेसन, कास्कीकी निभा राईले दीपक ब्याडमिन्टन एकेडेमीकी अस्मिता खत्रीलाई २१-१३, २१-११ ले पराजित गर्दै उपाधि उचाल्नुभयो । तेस्रो स्थानमा सिन्धुपाल्चोककी आश्ना श्रेष्ठ र ग्यालेक्सी स्कुलकी अप्सरा यादव रहनुभयो । शीर्ष तीन स्थान प्राप्त गर्ने खेलाडीहरूले क्रमशः नगद १५ हजार, १० हजार र पाँच हजारसहित मेडल, ट्रफी र प्रमाणपत्र प्राप्त गर्नुभयो ।
यू-१९ तर्फको ब्वाइज एकलमा एपिएफका रोशन साउदले आफ्नै क्लबका अरुण अधिकारीलाई २१-१९, २१-१५ ले पराजित गर्दै प्रथम स्थान प्राप्त गर्न सफल हुनुभयो । तेस्रो स्थानमा एपिएफका अनिल मल्ल र युनिटीका सुनिल कार्की रहनुभयो । यस्तै, गल्र्सतर्फ दीपक ब्याडमिन्टनकी अस्मिता खत्रीले जित हात पार्नुभयो । एपिएफकी रिना तामाङसँग पहिलो सेट १५-२१ ले गुमाउनुभएकी अस्मिताले दोस्रो सेटमा पनि १३-१६ ले पछि परेको अवस्थामा रिनाले घुँडामा चोट बोक्न पुगेपछि खेल बीचैमा छोडेपश्चात् जित हात पार्नुभयो । तेस्रो स्थानमा इमाडोलकी टिसा रानी शाक्य र मोहन भूगोल फाउण्डेसनकी निभा राई रहनुभयो ।
शीर्ष तीन स्थान प्राप्त गर्ने खेलाडीहरूले नगद २५ हजार, १५ हजार र पाँच हजारसहित मेडल, प्रमाणपत्र र ट्रफी प्राप्त गर्नुभयो । प्रतियोगिताको भेट्रान ४५ वर्षमाथिको स्पर्धामा कास्कीका शम्भु श्रेष्ठ र राजेश गुरुङको जोडीले जित हात पार्नुभयो । शम्भु र राजेशको जोडीले चन्द्रागिरि ब्याडमिन्टन क्लबका हरि खत्री र राजकुमार पोखरेलको जोडीलाई १९-२१, २१-११, २१-११ ले पराजित गर्नुभयो । तेस्रो स्थानमा टोखाका टीका थापा र रामशरण केसीको जोडी तथा आयोजक फिटनेस पार्कका सुभास श्रेष्ठ र प्रेम घलेको जोडी रहनुभयो । विजयी शीर्ष तीन स्थान प्राप्त गर्ने खेलाडीहरूले नगद ३० हजार, २० हजार र १० हजारका साथ मेडल, प्रमाणपत्र र ट्रफी प्राप्त गर्नुभयो ।
भेट्रान ५५ वर्षमाथिको स्पर्धामा धादिङका विष्णुलाल श्रेष्ठ र चितवनका बुद्धि चौधरीले जित हात पार्नुभयो । श्रेष्ठ र चौधरीको जोडीले कास्कीका मनोजकुमार श्रेष्ठ र दिल पुनको जोडीलाई १८-२१, २१-११, २१-१३ ले पराजित गर्नुभयो । तेस्रो स्थानमा आयोजक फिटनेस पार्कका उमेश केसी र पूर्णचन्द्र जोशी तथा धन्वन्तरीका गणेश थापा र गंगाबहादुर राईको जोडी रहनुभयो ।
शीर्ष तीन स्थान प्राप्त गर्ने जोडीले नगद २० हजार, १० हजार र पाँच हजारसहित मेडल, प्रमाणपत्र र ट्रफी प्राप्त गर्नुभयो । विजयी खेलाडीहरूलाई प्रमुख अतिथि कोशी प्रदेश खेलकुद परिषद्का सदस्य-सचिव हंशराज वाग्ले, विशेष अतिथि बागमती प्रदेश खेलकुद विकास परिषद्का सदस्य-सचिव सूर्यलाल भण्डारी, बागमती प्रदेश ब्याडमिन्टन संघका संयोजक रुद्रकुमार थिङ, कोशी प्रदेश ब्याडमिन्टन संघका संयोजक योगेश्वर श्रेष्ठ, सदस्य भवानी आङदम्बे, सहआयोजक बट्टार युथ क्लबका अध्यक्ष एवं बागमती प्रदेश फुटबल संघका सहमहासचिव सुरज श्रेष्ठ, ग्यालेक्सी पब्लिक स्कुलकी प्रिन्सिपल सुदिना गुरुङ, समाजसेवी निराजन सिंखडालगायतले पुरस्कार वितरण गर्नुभएको थियो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच