भैरहवा । रूपन्देहीको लुम्बिनीमा भारत र नेपालका क्रिकेट टोली सहभागी हुने गरी इण्डो-नेपाल क्रिकेट प्रतियोगिताको आयोजना हुने भएको छ । यही माघ १३ गते शनिबार (आज)देखि हुने प्रतियोगितामा भारतका १६ र नेपालका १६ गरी ३२ समूहको सहभागिता रहने आयोजकले बताएका छन् । स्थानीयस्तरबाटै खेलाडीलाई प्रोत्साहन गरी क्रिकेट खेलप्रति रुचि जगाउने उद्देश्यले ‘पडरिया लुम्बिनी प्रिमियर लिग’को नामले प्रतियोगिता हुँदै आएको छ । अहिले हुने प्रतियोगिता छैटौं संस्करण हो ।
प्रतियोगितामा भारतको गोरखपुर, बनारस, सिद्धार्थनगरलगायत जिल्लाबाट समूह दर्ता भएको आयोजक लुम्बिनी नवयुवा क्लबका अध्यक्ष अहमद हुसेनले जानकारी दिनुभयो । नेपालबाट सिरहा, नेपालगञ्जलगायत स्थानबाट टोलीले प्रतियोगितामा भाग लिने उहाँले बताउनुभयो ।
टेनिस बलले ‘नकआउट’ आधारमा खेलाइने यो प्रतियोगिता यस क्षेत्रकै लोकप्रिय प्रतियोगितामध्ये पर्दछ । यसपटक प्रतियोगिताको पुरस्कार राशि बढाइएको हुसेनले बताउनुभयो । पहिलो पुरस्कार दुई लाख र दोस्रो पुरस्कार एक लाख तोकिएको उहाँले जानकारी दिनुभयो ।
यसैगरी, ‘वेष्ट बलर’, ‘वेष्ट ब्याटर’, ‘म्यान अफ दि म्याच’, अनुशासित टोलीलगायत सेमी फाइनल पुग्ने अन्य टोलीलाई पनि पुरस्कारको व्यवस्था रहेको हुसेनको भनाइ थियो । उहाँका अनुसार करिब २० लाख खर्च लाग्ने प्रतियोगिताका लागि प्रदेश खेलकुद परिषद्सँगै लुम्बिनी सांस्कृतिक नगरपालिका एवं स्थानीय दाताबाट सहयोग संकलन गरिएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच