![मच्छिमको डाँडामा भ्यू स्टेशन निर्माण](https://ehimalayatimes.com/wp-content/uploads/2024/05/machim-dada-myagdi.jpg)
काठमाडौं । पौडीका डुवाना लामा र एलेक्जेण्डर शाहले पेरिस ओलम्पिक २०२४ खेल्ने निश्चित भएको छ । पौडीका डुवाना र एलेक्जेण्डरले पेरिस ओलम्पिक २०२४ मा सहभागिता जनाउने निश्चित भएको नेपाल ओलम्पिक कमिटी (एनओसी) का महासचिव निलेन्द्रराज श्रेष्ठले जानकारी दिनुभयो ।
डुवाना र एलेक्जेण्डरले युनिभर्सियालिटी कोटामा ओलम्पिकमा भाग लिनुहुनेछ । यस्तै, पौडीका दुवाना र एलेक्जेण्डरले ओपन इभेन्टमा नेपालको प्रतिनिधित्व गर्नुहुनेछ । यसबाहेक १३औँ दक्षिण एसियाली खेलकुद (साग) स्वर्ण पदक विजेता धाविका सन्तोषी श्रेष्ठले पनि पेरिस ओलम्पिक खेल्ने निश्चित भइसकेको छ । सन्तोषीले पनि युनिभर्सियालिटी कोटाबाट नेपालको सहभागिता जनाउनुहुनेछ ।
ओलम्पिकमा एथलेटिक्स र पौडीमा युनिभर्सियालिटी कोटा हुन्छ । जुलाई २६ देखि अगस्ट ११ सम्म हुने पेरिस ओलम्पिकमा अहिलेसम्म पाँच नेपाली खेलाडीको सहभागिता पक्का भएको छ । टेबलटेनिसका स्यान्टु श्रेष्ठ र ब्याडमिन्टनका प्रिन्स दाहालले पेरिस ओलम्पिक खेल्ने पक्का भइसकेको छ । स्यान्टुले छनोट चरण पार गरेर ओलम्पिकमा स्थान सुरक्षित गर्नुभएको हो । प्रिन्स पनि युनिभर्सियालिटी कोटाबाट ओलम्पिक खेल्दै हुनुहुन्छ । काठमाडौंमा बिहीबार भएको दक्षिण एसियाली छनोट चरण पार गर्दै स्यान्टु ओलम्पिकमा छनोट हुनुभएको हो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच