काठमाडौं । राष्ट्रिय योजना आयोगले १६औँ पञ्चवर्षीय योजनाका लागि प्रतिनिधिसभामा प्रतिनिधित्व गर्ने दलका प्रतिनिधि (सांसदहरू)सँग सुझाव लिएको छ । १६औँ योजना कस्तो बनाउने भन्ने विषयमा आयोगले मस्यौदा तयार पारिसकेको छ । तयारी मस्यौदामाथि आइतबार आयोग उपाध्यक्ष डा. मीनबहादुर श्रेष्ठको अध्यक्षतामा भएको कार्यक्रममा दलका प्रतिनिधिसँग सुझाव लिइएको हो ।
केन्द्रका कार्यकारी निर्देशक नवराज ढकालले देशभरका ३६ लाख घरधुरीमा वैकल्पिक ऊर्जाको पहुँच पुगेको र पाँच सय निजी कम्पनीले वैकल्पिक ऊर्जाको क्षेत्रमा काम गर्दै आएको बताउनुभएको थियो ।
सो अवसरमा नेपाली कांग्रेसका सांसद एवं पूर्वअर्थमन्त्री ज्ञानेन्द्रबहादुर कार्की, नेकपा माओवादी केन्द्रका सांसद एवं पूर्वअर्थमन्त्री जनार्दन शर्मा, प्रमुख प्रतिपक्षी दल नेकपा एमालेका प्रमुख सचेतक एवं पूर्वमन्त्री पदम गिरी, एमाले सचेतक महेश बर्तौला, राष्ट्रिय स्वतन्त्र पार्टीकी सांसद सोविता गौतम, राप्रपा सांसद ज्ञानेन्द्र शाहीलगायतको सहभागिता रहेको थियो ।
दलका प्रतिनिधिहरूले सबैले स्वीकार्ने र पूरा हुने लक्ष्य १६औँ योजनामा समावेश गर्न सुझाव दिएका छन् । छलफलमा आयोगका सबै सदस्य, सदस्य-सचिव र अन्य अधिकारी सहभागी थिए । आयोगका सहसचिव महेश भट्टराईले १६औँ योजनासम्बन्धी प्रस्तुतीकरण राखेपछि छलफल सुरु भएको थियो ।
यसअघि आइतबार नै आयोग सदस्य डा. जयकान्त राउतको अध्यक्षतामा प्रतिनिधिसभाको संसदीय समितिका सभापतिसँग सुझाव लिइएको आयोगका प्रेस सल्लाहकार रोयल आचार्यले जानकारी दिनुभयो । संसदीय समितिका सभापतिहरूले योजनालाई यथार्थपरक र कार्यान्वयनयोग्य बनाई समाजवादोन्मुख अर्थतन्त्र निर्माण गरी समृद्धि हासिल गर्नुपर्नेमा जोड दिएका छन् ।
आत्मनिर्भर अर्थतन्त्र निर्माण गर्न जैविक तथा सामाजिक विविधतालाई सम्बोधन गर्दै कृषि, वन, सिमेन्ट तथा फलामजन्य उद्योग, निर्माणलगायतका क्षेत्रमा केन्द्रित रहनुपर्नेमा सभापतिहरूले जोड दिएको आयोगले जनाएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच