काठमाडौं । आइसीसी टि-२० विश्वकप २०२४ को तयारीका लागि नेपालले दुई क्रिकेट सिरिज खेल्ने भएको छ । नेपालले क्यानडासँग यसै साता एकदिवसीय अन्तर्राष्ट्रिय सिरिज खेल्दैछ । फेब्रुअरी ८ देखि १२ सम्म तीन खेलको सिरिज खेलेपछि नेपालले लगत्तै आइसीसी क्रिकेट विश्वकप लिग २ अन्तर्गत त्रिकोणात्मक सिरिज खेल्नेछ । टियु मैदानमै हुने उक्त सिरिजमा नेदरल्यान्ड्स र नामिबिया पनि खेल्दैछन् । सिरिज फेब्रुअरी १५ देखि २५ सम्म चल्नेछ ।
उक्त सिरिज सकिएलगत्तै टियु मैदानमै नेपालले तीन राष्ट्र सम्मिलित टि-२० आई सिरिज खेल्नेछ । उक्त प्रतियोगितामा नामिबिया र नेदरल्यान्ड्स नै खेल्नेछन् । उक्त सिरिज सकिएलगत्तै नेपाली टोली हङकङ जानेछ । त्यहाँ भने नेपालसहित चार राष्ट्रले चारदेशीय सिरिज खेल्नेछन् । उक्त सिरिजमा नेपाल र आयोजक हङकङसँगै पपुवा न्यु गिनी र ओमान रहनेछन् ।
प्रशिक्षक मोन्टि देशाइले कप्तान रोहित पौडेलको नेतृत्वमा क्यानडासँगको सिरिज र लिग दुईका लागि दुई फरक टोली घोषणा गरिसक्नुभएको छ । क्यानडासँगको सिरिजका लागि नेपाली टोलीमा रोहित पौडेल, आसिफ शेख, कुशल भुर्तेल, देव खनाल, कुशल मल्ल, भीम सार्की, आरिफ शेख, पवन सर्राफ, सोमपाल कामी, हेमन्त धामी, रिजन ढकाल, सूर्य तामाङ, ललित राजवंशी, आकाश चन्द, अनिल शाह रहनुभएको छ ।
यस्तै लिग-२ त्रिकोणात्मक सिरिजका लागि नेपाली टोलीमा रोहित पौडेल, आसिफ शेख, कुशल भुर्तेल, कुशल मल्ल, आरिफ शेख, पवन सर्राफ, भीम सार्की, अर्जुन साउद, दीपेन्द्र सिंह ऐरी, गुलशन झा, सोमपाल कामी, करण केसी, ललित राजवंशी, सूर्य तामाङ, रिजन ढकाल रहनुभएको छ । वैकल्पिक खेलाडीमा प्रतिस जिसी, देव खनाल, अनिल शाह, विवेक यादव रहनुभएको छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच