कास्की । पोखरामा सञ्चालन भएको ‘बगर भाइखलक अन्तर्राष्ट्रिय भेट्रान एट ए साइड’ फुटबल प्रतियोगितामा पोखराको संगम भेट्रान र काठमाडौंको जोरपाटी भेट्रान च्याम्पियन बनेका छन् । पोखराको टुँडिखेलस्थित खेलमैदानमा आइतबार सम्पन्न फाइनलमा प्रतियोगिताको ४० वर्ष उमेर समूहमा जोरपाटी र ५० वर्ष उमेर समूहमा संगम च्याम्पियन बनेका हुन् ।
प्रतियोगिताको ४० वर्षमाथिको फाइनल खेलमा जोरपाटीले नागस्वेती भेट्रान हेटौँडालाई सडन डेथमा हराउँदै च्याम्पियन बनेको हो । निर्धारित समयको खेल गोलरहित बराबरीमा सकिएपछि टाइब्रेकरमा धकेलिएको थियो ।
टाइब्रेकरमा समेत समान दुई-दुईको बराबरीपछि सडनडेथमा खेलको निर्णय गरिएको हो । सडनडेथसम्म पुग्दा १०-१० पेनाल्टी प्रहार भएको थियो । च्याम्पियन बनेको जोरपाटीले दुई लाख नगदसहित ट्रफी र मेडल पुरस्कार प्राप्त गर्दा उपविजेता नागस्वेतीले एक लाख पुरस्कार पायो ।
यसैगरी प्रतियोगिताको ५० वर्षमाथिको फाइनलमा आयोजक बगर भाइखलकमाथि २-१ को कठिन जित निकाल्दै संगमले उपाधि चुमेको हो । उपाधिसँगै संगमले नगद एक लाख प्राप्त गर्दा बगरले ५० हजार पुरस्कार पायो ।
नागस्वेतीका कृष्ण शाक्य प्रतियोगिताको सर्वोत्कृष्ट खेलाडी घोषित हुनुभयो । उहाँले नगद १५ हजारसहित ट्रफी पुरस्कार पाउनुभयो । उत्कृष्ट गोलरक्षक जोरपाटीका छिरिङ लामा घोषित हुनुभयो । उहाँ प्रतियोगिताको ‘म्यान अफ दी म्याच’समेत घोषित हुनुभयो ।
उत्कृष्ट मिडफिल्डर जोरपाटीकै रञ्जित लामा, प्रशिक्षक जोरपाटीका बुद्ध लामा, उत्कृष्ट फरवार्ड नागस्वेतीका निमा लामा र डिफेण्डरमा नागस्वेतीका सन्तोष बस्नेत घोषित हुँदै जनही पाँच–पाँच हजार रुपैयाँ पुरस्कार पाउनुभयो ।
प्रतियोगिताको ६० वर्ष उमेर समूहमाथिको प्रतिस्पर्धामा आयोजक टोली च्याम्पियन बनेको थियो । च्याम्पियन टोलीले नगद ५० हजार प्राप्त गरेको छ । बगर भाइखलकले यसअघिका संस्करणमा ४० वर्षमाथि उमेर समूहको मात्र प्रतियोगिता गराए पनि हाल तीन विधामा प्रतियोगिता आयोजना गरेको हो । प्रतियोगितामा ४० वर्षमाथि उमेर समूह, ५० वर्षमाथि उमेर समूह र ६० वर्षमाथि उमेर समूहको प्रतिस्पर्धा गराइएको हो ।
संस्थाले समाजका प्रत्येक क्षेत्रका व्यक्तिलाई स्वास्थ्यप्रति जागरुक बनाई आफ्नो स्वास्थ्यका लागि दिनमा कम्तीमा एक घण्टा व्यायाम गर्नुपर्दछ भन्ने सन्देशसहित प्रतियोगितालाई निरन्तरता दिएको आयोजक बगर भाइखलकका अध्यक्ष दिलबहादुर गुरुङले जानकारी दिनुभयो ।
प्रतियोगिताको उद्देश्य युवा पिँढीलाई खेलकुदप्रति आकर्षित गर्नु रहेको आयोजकले जनाएको छ । अग्रजलाई सम्मान, समकालीनलाई व्यायाम र अनुजलाई खेल स्वास्थ्यप्रति जागरुक बनाउनु उद्देश्यसहित संस्थाले गतिविधि गर्दै आएको छ ।
यही माघ २१ गतेदेखि सञ्चालन भएको प्रतियोगितामा पोखरासहित भारतको देहरादुन, काठमाडौं, ललितपुर, चितवन, सिरहा, हेटौँडा, सर्लाही, बुटवल, सिमरा, कैलाली, पाँचथरबाट सहभागिता रहेको थियो । बगर भाइखलकले विसं २०६८ देखि निरन्तर भेट्रान फुटबल सञ्चालन गर्दै आएको छ ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच