काठमाडौं । कोहलपुर मेयर-११ एक खेलअगावै बाँकेको कोहलपुरमा जारी सुशील कोइराला मेमोरियल अण्डर नाइन्टिन महिला राष्ट्रिय टी-ट्वान्टी क्रिकेट प्रतियोगिताको फाइनल प्रवेश गरेको छ । प्रतियोगिताअन्तर्गत चौथो दिन सम्पन्न दुई खेलमा बागमती प्रदेश र कोहलपुर मेयर-११ विजयी भएका छन् । बागमतीले गण्डकीलाई तथा मेयर-११ ले सुदूरपश्चिम प्रदेशलाई पराजित गर्यो ।
कोहलपुर प्रस्तावित अन्तर्राष्ट्रिय मैदानमा सम्पन्न पहिलो खेलमा बागमती प्रदेशले गण्डकी प्रदेशलाई ७ विकेटले पराजित गर्यो । गण्डकीले दिएको ५७ रनको लक्ष्य बागमतीले ३ विकेट गुमाएर पूरा गर्यो ।
बागमतीको लागि एलि यादवले १५ तथा विपिशा शाहीले १२ रन योगदान दिनुभयो । गण्डकीको बलिङमा निरुता जिटी, रचना चौधरी र सिमाना केसीले १/१ विकेट लिनुभयो । यसअघि टस जितेर ब्याटिङ गरेको गण्डकीले पूरै २० ओभर ब्याटिङ गरे तापनि ८ विकेट क्षतिमा ५६ रन बनायो ।
गण्डकीका लागि कप्तान कुसुम गोदारले सर्वाधिक १७ रन, रचना चौधरीले १० रन बनाउनुबाहेक अन्य ब्याटरले दोहोरो अंकमा रन जोड्न सकेनन् । बागमतीकी बलर मनिषा उपाध्यायले २ विकेट तथा कृष्मा गुरुङले १ विकेट लिनुभयो । प्लेयर अफ द म्याच घोषित देब्रे हाते स्पिनर मनिषाले ४ ओभरमा २ ओभर मेडन गर्दै ३ रनमात्र खर्चिनुभयो । बागमतीले ५ विकेट रन आउटमार्फत् पायो ।
दोस्रो खेलमा कोहलपुर मेयर-११ ले सुदूरपश्चिम प्रदेशलाई ६ विकेटले पराजित गर्यो । सुदूरपश्चिमले दिएको ९२ रनको लक्ष्य कोहलपुर मेयर-११ ले ४ विकेट गुमाएर १७.४ ओभरमा भेट्टायो । कोहलपुर मेयर-११ को ब्याटिङमा साना प्रविनले सर्वाधिक ३९ रन बनाउनुभयो जुन क्रममा ४८ बलमा ४ चौका र १ छक्का प्रहार गर्नुभयो । प्रतिमा शाहले अविजित १८ रन बनाउनुभयो । सुदूरपश्चिमको बलिङमा रविना साउदले २ तथा स्नेहा महरा र निशा खडायतले १/१ विकेट लिनुभयो ।
टस जितेर ब्याटिङ गरेको सुदूरपश्चिमले १९.३ ओभरमा सबै विकेट गुमाएर ९१ रन बनायो । सुदूरपश्चिमका लागि सावित्री धामीले सर्वाधिक ४६ रन योगदान दिनुभयो । जुन क्रममा उहाँले ४४ बलमा ४ चौका प्रहार गर्नुभयो । रविना साउदले ११ तथा अनु कडायतले १० रन बनाउनुभयो । कोहलपुर मेयर-११ को बलिङमा भवानी कमातीले सर्वाधिक ३ विकेट लिनुभयो । प्लेयर अफ द म्याच घोषित कमातीले ३.३ ओभरमा १४ रन खर्चिनुभयो । आरती महतोले २ विकेट लिँदा हैमवती रोय र तृष्णा विश्वकर्माले १/१ विकेट लिनुभयो ।
प्रतियोगितामा कोहलपुर मेयर-११, लुम्बिनी प्रदेश, गण्डकी प्रदेश, बागमती प्रदेश र सुदूरपश्चिम प्रदेश सहभागी छन् । सबै टिमले एक-अर्कासँग एक खेल खेलेपछि अंक तालिकाको शीर्ष स्थानमा रहने दुई टिमले फाइनल खेल्नेछन् ।
यो खबर पढेर तपाईलाई कस्तो महसुस भयो ?
0
Like
Like
0
Love
Love
0
Happy
Happy
0
Surprised
Surprised
0
Sad
Sad
0
Excited
Excited
0
Angry
Angry
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच