डिस अबाबा । डि विश्व स्वास्थ्य संगठन (डब्लुएचओ) ले सोमबार इथियोपियामा हैजा प्रकोपविरुद्ध लड्न १७ वटा हैजा उपचार केन्द्रहरू स्थापना गरेको छ । संयुक्त राष्ट्रसंघ स्वास्थ्य एजेन्सीले जनाए अनुसार भर्खरै स्थापित उपचार केन्द्रहरूले हैजाको उपचारका लागि बिरामी हेरचाहको उपलब्धता, पहुँच र गुणस्तर सुधार गर्न महत्वपूर्ण भूमिका खेल्ने विश्वास व्यक्त गरेको छ । डब्लुएचओले यस कदमले पीडितको जीवन बचाउनका लागि महत्वपूर्ण र प्रभावकारी काम गर्ने बताएको छ ।
त्यसमा आवश्यक चिकित्सा उपकरणले सुसज्जित ७१८ शैय्या क्षमताको हैजा उपचार केन्द्रमा स्क्रिनिङ र ट्राइज, अवलोकन, भर्ना, रिकभरी, फोहोर व्यवस्थापन, लुगा धुने, क्लोरिन तयारी, भान्छालगायतको व्यवस्थापन गरिएको छ । डब्ल्युएचओका अनुसार इथियोपियामा चलिरहेको हैजाको प्रकोपबाट मृत्यु हुनेको संख्या ४६८ पुगेको छ भने जनवरी ३० सम्म पूर्वी अफ्रिकी देशमा ३२ हजार ५४८ हैजाका घटना रिपोर्ट गरिएको छ ।
इथियोपियामा हैजाको प्रकोप फैलिएको बीच संयुक्त राष्ट्रसंघ एजेन्सीहरू महामारी फैलिनुका कारण पत्तालगाई समाधानका लागि आवश्यक कदम चाल्न सबै पक्षसँग आहृवान गरिरहेका छन् ।
इथियोपियामा हैजाको प्रकोप जारी रहेका बेला संयुक्त राष्ट्रसंघका एजेन्सीहरू र मानवीय साझेदारहरूले देशमा बारम्बार हैजाको प्रकोपको फैलनुका मूल कारणलाई सम्बोधन गर्न दिगो समाधानका लागि आहृवान गरिरहेका छन् । मूलतः कम गुणस्तरको पिउने पानी र खुला शौचालय नै मुख्य कारण मानिन्छन् । रासस/सिन्हृवा
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच