काठमाडौं । माउण्ट सेब र गेटवे एकेडेमी आठौँ अर्किड कप अन्तरविद्यालय जुनियर छात्र फुटबल प्रतियोगिताको फाइनलमा प्रवेश गरेका छन् । माउण्ट सेबले गोल्डेन बडलाई ३-० गोलले पराजित गर्यो । आशिष गौतम, आशुतोष गौतम र आयुश सिंहले गोल गर्नुभयो । गेटवेले ब्रहृमकुञ्जलाई २-० गोलले हरायो । गेटवेका लागि दुवै गोल रजत बस्नेतले गर्नुभयो । शीर्ष चार स्थानमा रहने टिमले क्रमशः ३० हजार, २० हजार, १५ हजार र १० हजार नगद पुरस्कार पाउनेछन् ।
अर्कातर्फ त्रिवेणी र मनकामनाले छैटौँ पिस प्वाइन्ट कप अन्तरविद्यालय छात्र फुटबल प्रतियोगितामा विजयी सुरुवात गरेका छन् । पिस प्वाइन्ट बोर्डिङ स्कुलद्वारा आयोजित प्रतियोगिताको उद्घाटन खेलमा त्रिवेणीले आयोजक पिस प्वाइन्ट ‘बी’ लाई ३-० गोलअन्तरले पराजित ग¥यो । उज्ज्वल थापा, दावा दोर्जे तामाङ र ‘म्यान अफ द म्याच’ सञ्जीत श्रेष्ठले गोल गर्नुभयो ।
सानोगौचरण मैदानमा मनकामनाले जगत् मन्दिरलाई ६-० गोलले सहजै हरायो । ‘म्यान अफ द म्याच’ कृष्ण मोक्तानले २ तथा मानव तामाङ, सुनिल मगर, फिरोज पौडेल र आशिष गडालले समान १-१ गोल गर्नुभयो । नकआउट प्रतियोगितामा आयोजकका दुईसहित १६ टिम सहभागी छन् ।
विजेताले ३० हजार, उपविजेताले २० हजार र तेस्रो हुनेले १० हजार नगद पुरस्कार प्राप्त गर्नेछन् । उत्कृष्ट खेलाडी, उत्कृष्ट डिफेन्डर, उत्कृष्ट फरवार्ड, उत्कृष्ट गोलरक्षक र सर्वाधिक गोलकर्तालाई पनि नगदबाट पुरस्कृत गरिनेछ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच