काठमाडौं । आयोजक ज्ञान संस्कार इन्टरनेसनल स्कुलले प्रथम अन्तरविद्यालय स्केटिङ रेस प्रतियोगिताको उपाधि जितेको छ । विभिन्न १० स्पर्धा समावेश प्रतियोगितामा ज्ञान संस्कार तीन स्वर्ण, चार रजत र तीन कांस्य जित्दै समग्रमा टिम च्याम्पियन बन्यो ।
सामाखुसीस्थित आयोजककै हातामा भएको प्रतियोगितामा दुई स्वर्ण र दुई रजतसाथ राजश्री गुरुकुल दोस्रो भयो । तेस्रो स्थानको विल्सन एकेडेमीले दुई स्वर्ण र तीन कांस्य पदक हात पार्यो ।
प्रतियोगितामा २४ विद्यालयका १८० खेलाडीले प्रतिस्पर्धा गर्नुभएको थियो । विजेतालाई नेपाल रोलबल एसोसिएसनका प्रमुख वीरकृष्ण महर्जन, रोलबल एसोसिएसनका उपप्रमुख रमेश गौतम, लायन्स क्लब अफ काठमाडौंका अध्यक्ष राजेन्द्र महर्जन, वरिष्ठ प्रशिक्षक सुनिल दागा पाटिललगायतले एक कार्यक्रमबीच पुरस्कृत गर्नुभयो ।
यस्तै, माउण्ट सेबले आठौँ अर्किड कप अन्तरविद्यालय जुनियर छात्र फुटबल प्रतियोगिताको उपाधि जितेको छ । काँडाघारीस्थित आयोजक अर्किड स्कुलमा भएको फाइनलमा माउण्ट सेबले गेटवे एकेडेमीलाई १-० गोलले पराजित ग¥यो । रिजन शाहीले निर्णायक गोल गर्नुभयो । गोल्डेन बड तेस्रो तथा ब्रहृमकुञ्ज चौथो भए । शीर्ष चार स्थानमा रहने टिमले क्रमशः ३० हजार, २० हजार, १५ हजार र १० हजार नगद पुरस्कार पाए ।
माउण्ट सेबका आशिष गौतम सर्वोत्कृष्ट खेलाडी घोषित हुनुभयो । गेटवेका कृजल श्रेष्ठ उदीयमान खेलाडी चुनिनुभयो । श्री सञ्जय साइका प्रिन्स दुधराज सर्वाधिक गोलकर्ता बन्नुभयो । प्रतियोगिता अवधिभर उहाँले ६ गोल गर्नुभयो । गेटवेका रजत बस्नेत उत्कृष्ट डिफेन्डर तथा माउण्ट सेबका जगदीश खड्का उत्कृष्ट गोलरक्षक बन्नुभयो । त्रिज्योतिले अनुशासित टिमको उपाधि हात पार्यो ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच