काठमाडौं । भुक्तानी सेवा प्रदायक इसेवाले इसेवा केयरको सफलतासँगै इसेवा लाइफ केयर योजना सार्वजनिक गरेको छ । यसअघि दुर्घटना तथा बिरामी अवस्थालाई मध्यनजर गर्दै सार्वजनिक गरिएको इसेवा केयर ग्राहकले मन पराएपछि जीवन बिमा हुने गरी इसेवा लाइफ केयर योजना सार्वजनिक गरिएको कम्पनीले जनाएको छ ।
कम्पनीका अनुसार इसेवा लाइफ केयर एक टर्म लाइफ जीवन बिमा प्याकेज हो, जसले पाँच लाख ३० हजारसम्मको जीवन बिमाको ग्यारेन्टी गर्छ । जुन जीवन बिमा योजना सन लाइफ इन्स्योरेन्स र हिमालयन एभरेष्ट इन्स्योरेन्ससँगको सहकार्यमा सञ्चालन गरिएको हो ।
योजनामा इसेवा केयरमा जस्तै विभिन्न स्वास्थ्यसम्बन्धी सेवामा अफर तथा छुटसमेत समावेश गरिएको छ । वार्षिक सात सय रुपैयाँदेखि सुरुवाती मूल्यमा पाँच लाख ३० हजारको लाइफ केयर प्रदान गरिने कम्पनीले जनाएको छ । नयाँ योजनाले सस्तो मूल्यमा १८ देखि ४५ वर्षसम्मको बिमाका साथै अन्य स्वास्थ्य सुविधा प्रदान गर्न मद्दत गर्ने अपेक्षा गरिएको छ । उमेरअनुसार प्रिमियम रकम पनि फरक हुने बताइएको छ ।
कम्पनीका अनुसार इसेवा लाइफ केयर योजनामा टर्म लाइफ कभरेज दुर्ई लाख ५० हजार, दुर्घटना उपचार खर्च एक लाख, अस्पतालको बेड चार्जमा १० हजार, दुर्घटनाबाट भएको मृत्युमा एक लाख २० हजार, गम्भीर रोगको ५० हजार र ३० भन्दा बढी स्वास्थ्य र सौन्दर्य सम्बन्धित सेवामा ३५ प्रतिशतसम्म छुट प्राप्त गर्न सकिन्छ ।
बिक्रीमा विद्यावारिधि ?
युवा जनशक्ति निर्यात गर्ने देश
गल्तीलाई आत्मसात गर्ने कि अझै
योगचौतारी नेपाल स्वस्थ समाज निर्माणमा
हिमालय टाइम्स र नियमित लेखनका
प्राकृतिक चिकित्सालय र योग चौतारीबीच